YEHEZKIEL 33:9 - Alkitab Singog In Mongondow Masa In Tanaa

⁹ Aka iko nopotoingatdon kon intau moraat tatua bo doí in sia mogogai in mogaid kon inta moraat, yo matoibí in sia saḷaku intau binaradosa, táe iko in mosaḷamatbí.”

YEHEZKIEL 33:9 Mawu Ofanana

AMSAL 15:10

Intau inta mogaid kon inta moraat in rorigaanbí; intau inta doí toboḷowon in matoi.

AMSAL 29:1

Ki ine in umuran moḷawang aka tongginaan, komintanmai yo morimumudbí bo diádon motaau tompiaan bui.

YEHEZKIEL 3:19

Aka iko mopotoingat kon intau moraat tatua bo doí in sia mogogai in mogaid kon inta moraat, yo sia in matoibí saḷaku inta binaradosa, táe iko in mosaḷamatbí.

YEHEZKIEL 3:21

Aka intau inta mopia tatua ogoianmu in tompoingat sinbá diá mogaid kon dosa, bo dumudui in sia kon tongginamu, dá diábí in sia hukumon-Ku, bo iko in mosaḷamatbí.”

YEHEZKIEL 33:3

Aka moḷoḷukad tatua mokoontong kon musung mamangoi, posingogonneabí in tomponuot in anib sinbá mobasadia in bayongan in intau.

YEHEZKIEL 33:4

Ki ine in mokodongog kon tomponuot in anib tatua táe diá mopandungmai, bo musung in mamangoi bo moḻimod kon inia, dá sia in matoi popisíbí in taḷánea tontaní. Aka kuma bo nopandungmai in sia kon tomponuot in anib tatua, yo notantúbí in sia kon mosaḷamatbí.

YEHEZKIEL 33:6

Táe aka moḷoḷukad tatua naonda in mokoontong kon musung bo diábí posingogonnea in tomponuot in anib, bo musung in moḻimod kon intau mita binaradosa tatua, dá siabí in tuntuton-Ku kon kinopatoian monia tua.

LUKAS 12:47

Bobantung mita inta ain nonotaau kon onu in kinoibog i tuangnea táe diá mobasadia bo diá doman mogaid kon inta kinoibog i tuangnea tua, yo sia in totokbí in ḷuntaan.

YOHANES 8:24

Tuamai Akuoi in noguman kon i monimu, kon moiko in matoibí kon bonu in dosa aka diá mopirisaya kon ‘Akuoibí in Sia inta sinumangoi Akuoi Oyúon’.”

OUMAN IN RASUL MITA 13:40

Manangka intua tarukira totok kopira, dika modapot in mobaḻí kon i monimu onu in pinoguman in nabi mita nanaa,

OUMAN IN RASUL MITA 13:41

‘Tarukira totok kopira, ei moiko intau mita inta mosingkuḻe! Moherangbí in moiko, bodongka matoi! Sin kon masa in tanaa Akuoi in mogaid kon oaidan inta diábí pirisayaan monimu, umpakabí oyúon intau in mopomangaḻe kon inimu.’ ”

OUMAN IN RASUL MITA 13:46

Táe taran-tarangan in taya dua in nosingog nanaa: “Koḻipodpabí singog i Allah naa in pinoyaput kon i monimu. Táe diá sinarima monimu, sin moiko ain noguman tontaní kon moiko in diábí patus motarima kon kobiagan mononoi. Tuamai tanaa mako taḷaan nami in moiko bo mayá kon intau ibanea.

OUMAN IN RASUL MITA 20:26

Tuamain, singgai naa in pogumankudon kon i monimu, aka oyúon in kon sigad monimu nion in mobodito, yo tua in deeman bidon taḷáku.

TESALONIKA 1 5:14

Utatku mita naa doman dugang in tonggina nami kon i monimu; toboḷow pia-pia mako in mosia inta doí mogaid bo tantú irigonai in gina in intau mita inta mongoondok, bo dika koḻiongan in motuḷung kon intau mita bogá bo mokoposabar in tumayow kon intau inta noyagi-yagimai in oaid.

IBRANI 12:25

Manangka intua mokopoingat, sin dikabo moiko in doídon mokidongog kon i-Nia inta nosingog tatua. Mosia inta doí mokidongog kon i-Nia inta namangoi in dunia naa bo inta nopoyaput in koyow nongkon i Allah, diábí mokoḷagui. Apa doman kita naa inta nokodongog kon i-Nia inta nosingog nongkon soroga! Aka kita bo doí mokidongog kon i-Nia, yo diábí mokoḷagui in kita!

IBRANI 2:3

Apapa doman oyúon in kasaḷamatan inta motoya-toyang nongkon koyow mita tatua! Aka tongá pomayá mako naton in kasaḷamatan tatua, dá tantú diábí in kotaḻiban hukuman tatua in kita. Sin ki Tuhanbí tontaní in muna-munamai noguman kon kasaḷamatan tatua. Bo intau inta muna-munamai nokodongog kon Habar tatua in noguman doman kon i naton kon totuubí mita in habar tatua.