YEHEZKIEL 33:4 - Alkitab Singog In Mongondow Masa In Tanaa

^4-5 Ki ine in mokodongog kon tomponuot in anib tatua táe diá mopandungmai, bo musung in mamangoi bo moḻimod kon inia, dá sia in matoi popisíbí in taḷánea tontaní. Aka kuma bo nopandungmai in sia kon tomponuot in anib tatua, yo notantúbí in sia kon mosaḷamatbí.

YEHEZKIEL 33:4 Mawu Ofanana

SAMUEL 2 1:16

Guman i Daud kon tayowmobiag intau in Amalek tatua, “Ikobí tontaní in nopoḷabú in hukuman matoi kon inimu tontaní takin nongaku kon ain iḻimodmu in ki datu inta piniḻí i Tuhan!”

DATU MITA IMITÁNEA 2:37

Aka iko mokobaḻí ḷumuai bo mayá ḻimimpat kon tapá in Ongkag in Kidron, yo iko in mustibí ḻimodon; bo ikodon tontaní in motanggung kon taḷá tatua.”

TAWARIKH 2 25:16

“Kibio-biómai,” guman i Amazia, “Aka diá, ḻimodon nami in iko! Diábí dodai in onda in kami noduí kon inimu nobaḻí monononggina i datu!” Dá kibio-biómaidon in nabi tatua, táe munadon in sia noguman, “Tanaa in kinotaauankudon kon ki Allah in nonantúdon kon moyopú kon i Tuang sin aid i Tuang tua, bo popisí in ki Tuang diá mopandungmai kon tongginaku.”

AMSAL 29:1

Ki ine in umuran moḷawang aka tongginaan, komintanmai yo morimumudbí bo diádon motaau tompiaan bui.

YEREMIA 25:3

“Kon bonu in doyowa nopuḷú bo toḷu notaong, pinangkoi kon taong impuḷú bo toḷúnea kon pinomarentaan i Yosia adí ḷoḷaki i Amon kon Yohuda, nodapot in singgai naa ki Tuhan in noguman kon inakó bo diábí kon dodai in onda in diá pinogumanku kon inimu onu inta ain pinoguman-Nea. Táe moiko in diá nopandungmai.

YEREMIA 6:17

Bo ki Tuhan in nopobui-buimaidon in noduí kon moḷoḷukad mita sin mopotoingat kon i monia sinbá mokidongog kon singog in torompet saḷaku tomponuot. Táe umat in noguman, “Kami in doíbí mokidongog.”

YEHEZKIEL 18:13

Sia in mopoḷuan bo moigum kon rente. Yo degá mobiag in intau natua? Diá! Sia in nomiadon kon bayongan in oaid inta mokorongó tua, bo sia in matoibí! Sia in matoi popisíbí in aidnea tontaní.

YEHEZKIEL 33:9

Aka iko nopotoingatdon kon intau moraat tatua bo doí in sia mogogai in mogaid kon inta moraat, yo matoibí in sia saḷaku intau binaradosa, táe iko in mosaḷamatbí.”

IMAMAT 20:9

Ki Tuhan nobogoi in atorang mita tanaa, “Intau inta mogodi-godimai kon i amánea ande kon i inánea musti hukumon matoi. Sia matoi popisí in taḷánea tontaní.

OUMAN IN RASUL MITA 18:6

Táe barang intau mita kon tua umuran moḷawang poḷat moningkuḻemai kon inia, dá sinoko topiranneadon in ḷobud kon ḷambungnea mita, saḷaku tanda mobogoi in tompoingat kon taḷá mita monia. Bo sia in noguman, “Aka mobodito in moiko, yo dongka bidon taḷá monimu tontaní! Pomayáku bidon mako! Tanaa mako akuoi in mayádon kon intau mita inta deeman Yahudi.”

OUMAN IN RASUL MITA 20:26

Tuamain, singgai naa in pogumankudon kon i monimu, aka oyúon in kon sigad monimu nion in mobodito, yo tua in deeman bidon taḷáku.

YAKOBUS 1:22

Musti aidan monimu in onu inta pinoki aid i Allah, deemanbí tongá indongogan mako bo diá aidan, sin aka diá aidan yo tua in mangaḻenea moiko in nonguboḷdon kon i monimu tontaní.