YEHEZKIEL 33:25 - Alkitab Singog In Mongondow Masa In Tanaa

²⁵ Tuamai in ki Tuhan Inta Totok in moḷantud in nopotabá kon inakó nopotaau in koyow-Nea tanaa kon i monia, “Moiko in nokaan kon ponoyá inta oyúonpa in dugúnea; moiko in nosumba kon berhala bo noḻimod. Mokobaḻíbí totok in moiko in mongaku kon butá tanaa moiko in kitogi.

YEHEZKIEL 33:25 Mawu Ofanana

KINOBAḺIAN 9:4

Inta diá motaau kaanonmu in tongábí tapú inta oyúonpa in dugúnea, sin nyawa tua in kon bonubí in dugú.

MAZMUR 24:4

Intau inta diá in bogit in raian bo oaidnea, inta diá nongibot ubo-uboḷ bo diá nosumba kon berhala.

YEREMIA 7:15

Moiko in poguntunon-Ku nongkon tayowon-Ku ná inta pinogoguntun-Ku kon ginaḷum motoḷuadímu, umat in Israel.”

YEREMIA 7:21

Ki Tuhan in noguman, “Ei umat-Ku, kinotaauan monimu kon sosumba inta sinubá monimu kon tudu in mezbah in mustibí tubáan modapot in modait, bo sosumba ibanea in motaaubí kaanon monimu. Táe Akuoi, ki Tuhan in moguman, kaandon mako komintan!

YEHEZKIEL 18:12

Sia in monombuḻitokmai kon intau bogá, mogagow, mogamá kon pakakat mita inta nobaḻí tontogot in boboḻian kon inia. Sia in mayá kon kuil mita in intau inta diá nonotaau kon i Tuhan bo nosumba kon berhala inta mokorongó.

YEHEZKIEL 18:15

Doíbí in adí tatua mosumba kon berhala in intau in Israel, andeka mokaan kon kuruban sosumba kon tampat mita pososumbaan kon dewa mita. Sia in diábí kon dodai in onda in nodondouḷug kon i buḷoi in intau,

YEHEZKIEL 18:6

Sia in diá nosumba kon berhala in intau Israel andeka nokaan kon kuruban inta pinosumba kon tampat mita pososumbaan kon dewa mita. Sia in diábí kon dodai in onda in nodondouḷug kon i buḷoi in intau ibanea andeka nosiug takin bobay inta inangoinea.

YEHEZKIEL 22:27

Pojabat mita in pomarentanea naonda bo serigala inta noyingki-yingkit kon kokaanonnea. Mosia in moḻimod tongábí makusud motayak kon kauntungan.

YEHEZKIEL 22:3

Ki Tuhan Inta Totok in moḷantud in nokipoyaput kon inakó in koyow tanaa kon Yerusalem, “Iko in kotaḷá popisí in noḻimodon kon nobayong in intaumu tontaní, bo noponajisdon in awakmu pinongin nosumba kon berhala mita inta pinomiamu tontaní. Tuamai in ponisigan kon inimu in motoyongdon bo kobiaganmu in ḷagidon modait. Iko in pomayá-Kudon mako in rebegon bo kosingan in bangusa mita bo bayongan in butá.

YEHEZKIEL 22:6

Bayongan in itoi in Israel mopongata in ropotnea tontaní bo moḻimod.

YEHEZKIEL 22:9

Kon sigad in intaumu mita oyúon in mopoponapud in uboḷ kon intau ibanea sinbá hukumon matoi. Oyúon doman in mokaan kon ponoyá inta pinokurubandon kon berhala. Oyúon doman in momia kon mokotor.

YEHEZKIEL 36:18

Pinotugat-Ku kon i monia in torú-Ku popisí in mosia totokdon in noḻimod kon butá tatua bo nongotor pinongin berhala mita monia.

YEHEZKIEL 9:9

Ki Allah in notubag, “Intau mita in Israel bo Yohuda in nogaidon kon dosa inta totok in moḷoben. Mosia in noḻimodon kon bayongan in tampat, bo Yerusalem in kinotorandon in aid moraat. Mosia in noguman kon Akuoi, ki Tuhan, in nonaḷámaidon kon butá tanaa dá diádon mokoontong kon aid monia.

IMAMAT 19:26

Dika mokaan kon dugú. Dika momaké in totaau mita pongonggaing.

IMAMAT 3:17

Intau in Israel diábí motaau mokaan kon ḷongó ande dugú. Atorang tatua pakéon dapot kon adí bo ompu monia bo musti duduian in bayongan intau Israel kon ondaka in pogutunan monia.

IMAMAT 7:20

Aka intau inta mokaan kon ponoyá tatua bo dodai intua monajis, dá sia diádon pinoyoiap anggota umat i Tuhan.

IMAMAT 7:21

Aka intau tobatú nokaan kon ponoyá inta pinokuruban tatua bo mopaḷut mako kon tua sia moḻiai kon inta monajis, pinomayá kon intau ande inta nongkon mahaḷuk, dá sia doman in diádon poyoiapon anggota in umat i Tuhan.

OUMAN IN RASUL MITA 15:29

dika mokaan kon kaanon inta aindon pinosumba kon dewa; dika mokaan kon dugú, dika mokaan kon tapú in mahaḷuk inta minatoi sinagangan, bo poyayúdon in oaid inta mokotor. Aka aidandon monimu intua komintan, yo mangaḻenea moiko aindon nogaid kon inta mopia. Natuapa, saḷamat!”

OUMAN IN RASUL MITA 21:25

Táe aka intau mita deeman Yahudi inta ain nopirisaya kon i Yesus, aindon pinoki diaan nami in surat in mosia, ain pinais nami kon tua in bayongan inta diá motaau aidan monia. Mosia in diábí motaau in mokaan kon kaanon inta ain pinosumba kon berhala mita, diá doman motaau in mokaan kon dugú andeka mahaḷuk inta minatoi sinagangan; bo diá doman motaau in mogaid kon inta mokotor.”

ULANGAN 12:16

Tongá dugúnea in diábí motaau kaanon, táe musti popobutak kon butá ná tubig.

ULANGAN 12:23

Táe ponoyá inta oyúonpa in dugúnea diábí motaau in kaanon, sin nyawanea in kon bonubí in dugú, bo moiko in diábí motaau mokaan kon nyawa takin tapúnea.

ULANGAN 15:23

Dugúnea in diábí motaau kaanon, táe musti popobutak kon butá ná tubig.”

ULANGAN 4:19

Dikadon baradosaan popisí in mosumba bo mogundoi kon onu inta inontong monimu kon ḷangit: mata in singgai, buḷan bo tundi mita. Pinomayá mako i Tuhan Allahmu in bangusa mita ibanea nosumba kon tua mita.