YEHEZKIEL 33:24 - Alkitab Singog In Mongondow Masa In Tanaa

²⁴ “Ei intau ilo-ilow, intau mita inta nogutun kon apug in kotá mita kon butá in Israel tatua in noguman, ‘Ki Abraham in nokouḻí kon nobayong in butá, bokaka sia in tongábí sia-sia mita. Kita naa in nobayong, dá butá tanaa in nobaḻídon kapunyaan naton.’ ”

YEHEZKIEL 33:24 Mawu Ofanana

KINOBAḺIAN 17:8

Akuoi in mobogoibí kon inimu bo kon buímu in butá tanaa, inta pinogutunanmu tanaa mako saḷaku intau ango-angoi. Bayongan butá in Kanaan in mobaḻíbí kapunyaan mononoi i adí bo i ompumu bo Akuoi in mobaḻí ki Allah monia.”

NEHEMIA 9:8

Nouḻí-Mu in sia umuran mosatia kon ini-Mu bo motoindudui. Bo inaidan-Mu takinnea in dodandian inta moroton. Butá in Kanaan, Het bo Amori, butá in Peris, Yebus bo Girgasi, tua komintan in ogoi-Mu kon inia; mobaḻí pogogutunan in bayongan buínea. Noiduduimai inintompodan-Mu in dandi tatua kon inia, sin Iko in moadil bo mosatia.

YESAYA 51:2

Toropdon in mogoguyangmu ki Abraham bo ki Sara inta nopononggadí kon i monimu; kon tungkuḷ in Akuoi nogoiní kon i Abraham, Sia in diá kogadí; bo binarakatan-Ku in sia bo inogoian-Ku in buí inta mobayong.

YEREMIA 39:10

Tongobotak in rayat inta totok in nobiag bogá bo inta diá kokapunyaan, sinaḷáan kon Yohuda bo inogoian in gobá in anggur bo gobá in tudunea.

YEREMIA 40:7

Ki Datu in Babel ain noduí kon i Gedalya nobaḻí gubernur kon Yohuda sin momarenta kon bayongan intau inta nogutunpa kon Yohuda, intau mita inta nobiag totok in nobogá. Tongosilai nongkon porwira mita bo tontara in Yohuda inta diá sinumungkud kon intau in Babel, nokodongogdon kon pinoduían kon i Gedalya tua.

YEREMIA 41:7

Naonda in mosia nodapot kon yuak in kotá, ki Ismael takin intaunea mita nomangkoidon noḻimod kon i monia. Táe mopuḷú in intau nongkon sigad monia tua in noguman kon i Ismael, “Dika ḻimodon in kami! Kon inami in oyúonpa in doyowa norupa in gandum, ḷana doman in zaitun bo biluk. Tua komintan binuni nami kon ḷuai in kotá.” Tuamai in diá iḻimod i Ismael in mosia, táe ibanea in iḻimodnea bo mayat monia in pinogonag kon bonu in parigí.

YEHEZKIEL 11:15

“Ei intau inta ilo-ilow, iko takin yobayatmu mita kon pinoḷumbúan koyogot in oumanonmai in intau mita in Yerusalem. Guman monia, ‘Intau mita inta iḷumbú tatua in noiḻiudon in yayú nongkon Yerusalem aka moibada kon i Tuhan. Butá in Israel ain inogoi i Tuhan kon inaton.’

YEHEZKIEL 33:23

Ki Tuhan in noguman kon inakó,

YEHEZKIEL 33:27

Podoyon kon i-Nakó, ki Allah inta nobiag, ki Tuhan Inta Totok in moḷantud, intau mita inta nogutun kon apug in kotá tatua in matoibí ḻimodon. Mosia inta nogutun kon rawang mita in kaanonbí in mahaḷuk mita inta moraat. Mosia inta nogadop kon buḷud mita bo kon angob mita in matoibí kotugatan in yampoi in takit.

YEHEZKIEL 34:2

“Ei intau ilo-ilow, torúaidon in datu mita in Israel, bo potaaudon in onu inta potaau-Ku, ki Tuhan Intau Totok in moḷantud kon i monia, ‘Moboditodon in moiko, ei gombala mita in Israel. Moiko in tongábí morai kon kopontinganmu tontaní, deemanbí kopontingan in dombamu mita.

MIKHA 3:11

Mongongawasa mita in kotá momarenta mokiigum in doit pomompon kon bibig, imang mita in motundú kon hukum i Tuhan sin motayak kon tondan pogaidan, bo nabi mita mopoigum in topotundú nongkon i Allah sinbá mokouḻí kon doit – bo kai monia kamai dá ki Allah in dinumotábí kon i monia. Mosia in moguman, “Ki Tuhan in oyúon kon yua-yuak naton; kita in diábí koantugan in anib.”

MATIUS 3:9

Bo naaipa muna morai kon moiko in mosaḷamatbí sin moiko in moguman kon bonu in gina kon ki Abraham in ki amá nami, pogumankudon kon i monimu, kon batu mita tanaa in motaaubí aidan i Allah ki buí mita i Abraham.

LUKAS 3:8

Pogumanku kon i monimu, Popoontongpa muna in oaid monimu mopia, saḷaku tanda kon moiko in totu-totuu bidon nogogai in nogaid kon inta diá mopia. Bo donaaipa muna moguman in moiko kon ki Abraham in ki amá nami! Sinbá pogumanku kosilangon kon i monimu, batu mita tanaa in motaaubí aidan i Allah ki adí mita i Abraham!

YOHANES 8:33

Mosia in noguman, “Kami naa in buíbí i Abraham, kami in diápabí dodai onda in nobaḻí ata i inekadon! Yo onu i makusud-Mu in moguman, ‘Moiko in poḷuatonbí’?”

YOHANES 8:39

Mosia in notubag, “Ki amá nami in ki Abraham.” “Aka moiko bo totu-totuu ki adí i Abraham,” guman i Yesus, “pastibí kon aidanbí monimu in onu inta inaidan i Abraham.

OUMAN IN RASUL MITA 7:5

Kon wakutu intua diábí inogoian i Allah in butá in sia saḷaku pusakanea; Topaḷadmai yo diábí inogoi Allah kon inia. Táe ki Allah in nodandi kon ogoian-Neabí in ki Abraham sin baḻíon pusaka i Abraham bo buínea mita. Dodai intua ki Abraham in diá kogadí.

SURAT I PAULUS KON JAMAAT RUM 4:12

Ki Abraham in guyangabí doman in intau mita inta ain sinunat. Sia in nobaḻí guyanga monia, deemanbí tongá popisí in mosia ain sinunat, táe popisíbí in mosia nopirisayadon kon i Allah bo nobiagdon naonda bo ki Abraham wakutu in diápa sinunat.

SURAT I PAULUS KON JAMAAT RUM 9:7

Deemanbí doman komintan buí i Abraham in nobaḻí ki adí mita i Allah. Sin ki Allah ain noguman kon i Abraham nanaa, “Tongábí buí i Ishak in tangoion buímu.”

TESALONIKA 1 5:3

Aka intau bo moguman nanaa: “Komintanpabí noaman, diábí in onu bo onu,” dá kon dodai doman tuata kotubuan in onu inta mokoputú kon i monia bo diá tobatúmai in mokoḷagui in mosia. Tua mita in daḻíbí moiangoi naonda bo nakit in mononggadí inta moiuma bobay tobatú inta mononggadí.