YEHEZKIEL 33:17 - Alkitab Singog In Mongondow Masa In Tanaa

¹⁷ Táe bangusa tatua in noguman kon aid-Ku tatua in diá moadil! Bokaka aidbí monia in diá moadil.

YEHEZKIEL 33:17 Mawu Ofanana

AYUB 40:8

Degá bayowanmu in koadilan-Ku, bo mopobanar kon inimu bo mopotaḷá kon i-Nakó?

YEHEZKIEL 18:25

Degá oyúon in moguman nanaa, ‘Noitaḷádon in aid i Tuhan.’ Indongogaidon, ei intau in Israel! Degá noitaḷá in inta inaidan-Ku? Moikobí in noitaḷá.

YEHEZKIEL 18:29

Bo moiko, ei intau in Israel, moiko in moguman kon aid i Tuhan tua in noitaḷá. Totuu degá kon noitaḷá in aid-Ku, ei Israel? Diá! Moikobí in noitaḷá!”

YEHEZKIEL 33:16

Akuoi in diá bidon monoropmai kon dosa mita inta ain inaidannea, bo sia in mobiagbí popisí in mogaid kon onu inta moitutui bo inta mopia.

YEHEZKIEL 33:18

Komintanpa doman in poguman-Ku kon aka intau inta mopia momangkoidon mogaid kon inta moraat, yo sia in matoibí popisí in aidnea tatua.

YEHEZKIEL 33:2

“Ei intau ilo-ilow, pogumandon kon bangusamu kon aka Akuoi in mopoangoidon in parang kon ḻipú tobatú, naa in inta mobaḻí. Intau mita inta nogutun kon butá tatua in momiḻíbí kon intau tobatú kon sigad monia mobaḻí moḷoḷukad.

YEHEZKIEL 33:20

Umpaka natua bangusa in Israel in nogumanbí kon aid-Ku tanaa in diábí moadil. Totuu, hakimon-Kubí in mosia kon batúannea podudui in aidnea.”