YEHEZKIEL 32:31 - Alkitab Singog In Mongondow Masa In Tanaa

³¹ Aka datu in Mesir takin tontaranea modapotdon kon dunia in intau minatoi bo mokoontong kon bayongan in intau tatua inta ain minatoi kon bonu in parang, mosia in moḻipoidon. Akuoi ki Tuhan Inta Totok in mokawasa ain nosingog.

YEHEZKIEL 32:31 Mawu Ofanana

OMBAḶ 2:13

O Yerusalem, Kotá in Sion inta kinotabi totok, kinorumbunanmu in nádon koḷoben in baḷangon. Onu degá in motaauku singogon sin mopoḻipoi? Sin, diábí kon dodai in onda in nokouḻí kon roriga ná iko. Totuu kon diábí in mokopobui kon kaadaanmu.

YEHEZKIEL 14:22

Aka kuma bo oyúon in mokoḷagui bo moposaḷamat kon i adínea mita, taridiaidon in mosia aka mosia mamangoi kon inimu. Indoiai naonda in moraat monia, dá kotaauandon monimu kon noitugatbí in aid-Ku mohukum kon Yerusalem.

YEHEZKIEL 31:16

Kon dodai in pangkoi in kayu poponagon-Ku kon dunia in intau minatoi, doradak in koḷabúannea in mokoondok kon bangusa mita. Bayongan in pangkoi in kayu kon Eden bo pangkoi mita in kayu inta notompiḻí kon Libanon inta nokouḻí kon tubig nobarong, bo inta ain noponag kon dunia inta totok in koḻimonag in mopia-piabí in gina in kinoḷabúan in pangkoi in kayu tatua.

YEHEZKIEL 32:32

Akuoibí inta nokopopisí kon i datu in Mesir nokopomuká kon ondok kon bayongan in intau inta nobiag, táe sia takin tontaranea in minatoi bo inuḻid noyotakin in intau mita inta diá nonotaau kon i Allah bo minatoi kon bonu in parang. Akuoi ki Tuhan Inta Totok in moḷantud ain nosingog.”