YEHEZKIEL 32:30 - Alkitab Singog In Mongondow Masa In Tanaa

³⁰ Bayongan in ki adí ḷoḷaki i datu nongkon utuan in kon tua, natua doman intau mita in Sidon. Dungkuḷmai kawasa monia nokopomuká kon ondok, táe tanaa mosia in pinokopo oyámai bo takin diá sinoit mosia noponag kon dunia in intau minatoi noyotakin in intau mita inta minatoi kon pinoparangan. Kon tua mosia inumuḻid bo nobaba kon dosa takin intau mita inta noponag kon dunia in intau minatoi.

YEHEZKIEL 32:30 Mawu Ofanana

YEREMIA 1:15

Akuoi in mopotabá kon bayongan in bangusa kon dotá in utuan mamangoi mongawasa kon Yerusalem. Dinding mita in kotá tanaa takin ḷoḻingkop in bonawangnea bo bayongan in kotá kon Yohuda in agowonbí monia.

YEHEZKIEL 26:20

Bo iko in pokidia-Kudon kon dunia in intau minatoi sin moyodugang in intau mita inta dungkuḷmai. Pomayá-Ku mako in iko in mogutun kon dunia in intau minatoi tua, kon yua-yuak in apug mononoi, moyotakin in intau minatoi. Dá butámu in diádon utunan bui, bo iko in diá bidon kotangoian kon sigad in intau nobiag.

YEHEZKIEL 28:10

Iko in matoibí naonda bo intau noempeng popisí in ḻimodon in intau ango-angoi inta diá nonotaau kon i Allah. Akuoi, ki Tuhan Inta Totok in moḷantud ain nosingog.”

YEHEZKIEL 28:21

“Ei intau ilo-ilow, kutukdon kotá in Sidon.

YEHEZKIEL 28:23

Akuoi in mopoangoibí in yampoi in takit, bo mopomayádon mako in koiḻigan in dugú kon daḷanmu mita. Iko in tubuonbí in musung nongkon bayongan in tampat, bo intaumu mita in ḻimodonbí. Dá kotaauanmudon kon Akuoibí in ki Tuhan.’ ”

YEHEZKIEL 38:15

Iko in mobuat nongkon pinogutunanmu, noyayú kon utuan, sinakinan in tontara tumotakoi kon kabaḷo nongkon noyagi-yagimai in bangusa.

YEHEZKIEL 38:6

Bayongan in intau mobarani nongkon butá mita in Gomer bo Bet-Togarma kon utuan, mayá moyotakinnea, bo nobayong in bangusa ibanea in tumakin doman.

YEHEZKIEL 39:2

Akuoi in mopoḷaḻebí kon inia, bo modia kon inia ḷumuai nongkon butá moyayú kon utuan, mopobayá in buḷud mita in Israel.