YEHEZKIEL 32:26 - Alkitab Singog In Mongondow Masa In Tanaa

²⁶ Ki Mesekh bo ki Tubal in kon tua, iḻibu in pinoḷobongan kon tontaranea mita monia. Diá sinunat, mosia in minatoi komintan kon pinoparangan. Kon tungkuḷ in mosia nobiagpa, mosia in nokoondok kon dunia.

YEHEZKIEL 32:26 Mawu Ofanana

KINOBAḺIAN 10:12

bo Resen inta noiukat kon sigad in Niniwe bo Kalah. Tua komintan in kotábí mongoḷoben.

KINOBAḺIAN 10:2

Ki adí mita i Yapet in ki Gomer, ki Magog, ki Madai, ki Yawan, ki Tubal, ki Mesekh bo ki Tiras.

TAWARIKH 1 1:5

Ki adí mita ḷoḷaki i Yapet in ki Gomer, ki Magog, ki Madai, ki Yawan, ki Tubal, ki Mesekh bo ki Tiras. Mosia tua in mogoguyang in bangusa mita inta sinangoian pinodudui in tangoi monia.

YESAYA 66:19

Akuoi in mopoukatdon in tomponuot tobatú kon yua-yuak monia. Tongosilai moyakag kon sigad monia in posaḷamaton-Ku. Mosia in potabá-Ku mayá kon bangusa mita kon butá mita inta moyayú inta diápa kon dodai in onda in nokodongog kon soaḷ Akuoi andeka nokoontong kon kamuliaan bo kawasa-Ku; mayá in Spanyol, Libia, bo Lidia takin momomiot mita inta mongotaná, minayá in Tubal bo Yunani. Mosia in mopohabar in koḷoḷoben in kawasa-Ku kon sigad in bangusa mita tatua.

YEHEZKIEL 27:13

Iko in nodagang kon Yunani, kon Tubal, bo kon Mesekh, bo tomboḻinea kon inimu in ata mita bo pakakat mita nongkon porunggu.

YEHEZKIEL 32:27

Mosia in nokouḻí kon pinoḷobongan takin ihoromat naonda bo pahlawan dungkuḷmai inta noponag kon dunia in intau minatoi takin kodia-dia in pakakat in parang inta notouḷut. Pahlawan mita tatua in iḷobong takin pinopouḷun kon kedang bo kaḻeaw in kon tudu in dodob. Kon dodai in nobiagpa, pahlawan mita mongotorindog dá nokoondok kon bayongan in intau.

YEHEZKIEL 32:32

Akuoibí inta nokopopisí kon i datu in Mesir nokopomuká kon ondok kon bayongan in intau inta nobiag, táe sia takin tontaranea in minatoi bo inuḻid noyotakin in intau mita inta diá nonotaau kon i Allah bo minatoi kon bonu in parang. Akuoi ki Tuhan Inta Totok in moḷantud ain nosingog.”

YEHEZKIEL 39:1

Ki Tuhan Inta Totok in moḷantud in noguman, “Ei intau ilo-ilow, gogondokdon in ki Gog, datu moḷoben nongkon butá mita in Mesekh bo Tubal, bo potaaudon kon inia kon Akuoi naa in musungnea.