YEHEZKIEL 32:24 - Alkitab Singog In Mongondow Masa In Tanaa

^24-25 Elam in kon tua doman takin iḻibu in poḷoḷobongan kon tontaranea mita. Diá sinoit, minatoi in mosia komintan kon pinoparangan, bo noponag kon dunia in intau minatoi. Kon tungkuḷ in nobiagpa, mosia in mokoondok, táe tanaa in minatoidon in mosia bo musti mobaba kon oyá moyotakin in intau mita inta ain minatoi kon pinoparangan.

YEHEZKIEL 32:24 Mawu Ofanana

KINOBAḺIAN 10:22

Ki adí mita i Sem in ki Elam, ki Asyur, ki Arpakhsad, ki Lud bo ki Aram.

KINOBAḺIAN 14:1

Datu opat: ki Amrapel nongkon Babilonia, ki Ariokh nongkon Elasar, ki Kedorlaomer nongkon Elam, bo ki Tideal nongkon Goyim

TAWARIKH 1 1:17

Ki adí mita ḷoḷaki i Sem in ki Elam, ki Asyur, ki Arpakhsad, ki Lud, ki Aram, ki Us, ki Hul, ki Geter bo ki Mesekh. Mosia tua in mogoguyang in bangusa mita inta sinangoian pinodudui in tangoi monia.

AYUB 28:13

Hikmat in diábí in kon sigad in intau; diábí in nonotaau kon boḻinea.

MAZMUR 142:5

Kon dodai in akuoi nobobui kon sikumai, diábí in inontongku in motuḷung kon inakó. Diábí in nogoḻingoi kon inakó, andeka inta nopandungmai kon inakó.

YESAYA 11:11

Kon singgai tatua ki Tuhan in buipa doman momaké kon kawasa-Nea bo modia mobui kon umat-Nea inta kinotaḷáan kon Asyur bo kon Mesir, kon butá mita in Patros, Sudan bo Elam, kon Babel, Hamat bo ḻibuton mita inta mongoyayú.

YESAYA 38:11

Gumanku, akuoi in diádon mokoontong bui kon i Tuhan kon dunia, andeka moindoi kon intau kon dunia naa.

YEREMIA 11:19

Akuoi in naonda bo domba inta diábí in curiga dinia kon tampat pororataan. Diábí kinotaauanku kon akuoibí inta nobaḻí makusud in tomayá mita moraat monia. Mosia in noguman, “Igai pupuḷon naton in pangkoi in kayu tanaa kon dodai in sia in momungaipa; yopúon naton in sia sinbá tangoinea in ḻiongondon in intau.”

YEHEZKIEL 16:54

Pongin natua dá mooyá in iko kon inimu tontaní, bo koempengmu in moponiatadon kon i utatmu mita kon totuu mopia in ukur monia.

YEHEZKIEL 26:20

Bo iko in pokidia-Kudon kon dunia in intau minatoi sin moyodugang in intau mita inta dungkuḷmai. Pomayá-Ku mako in iko in mogutun kon dunia in intau minatoi tua, kon yua-yuak in apug mononoi, moyotakin in intau minatoi. Dá butámu in diádon utunan bui, bo iko in diá bidon kotangoian kon sigad in intau nobiag.

YEHEZKIEL 31:14

Tua mita in nobaḻí sinbá pinangkoi kon tanaa, diá bidon in pangkoi in kayu in mobiag ná tatua in koḷantudnea; diá bidon in ḷuntung in kayu inta moitunduḷ in goḷom umpakabí mokouḻí kon tubig inta mobarong. Komintanbí musti matoi ná intau inta ilo-ilow, bo noyosipun in intau mita inta ain noponag kon dunia in intau minatoi.”

YEHEZKIEL 31:18

Pangkoi in kayu tatua in nobaḻí tomponuot kon i datu in Mesir bo bangusanea. Diábí in pangkoi in kayu kon Eden inta totok in moḷantud bo momulia. Táe tanaa, naonda bo pangkoi mita in kayu kon Eden doman, pangkoi in kayu tatua in noponag doman kon dunia in intau minatoi bo moyosipun monia inta diá nonotaau kon i Allah bo takin i monia inta minatoi kon pinoparangan. Akuoi, ki Tuhan Inta Totok in moḷantud ain nosingog.”

YEHEZKIEL 32:18

“Ei intau ilo-ilow, ponogumatoidon kon rayat kon Mesir. Pokidiadon in mosia kon dunia in intau minatoi moyotakin in butá mita intau moropot ibanea.

YEHEZKIEL 32:19

Potaaudon kon i monia, ‘Kainimukamai dá moikobí in moḷuna-ḷunat totok? Moiko in mayábí in dunia in intau minatoi, bo pouḻid kon sigad in intau mita inta diá nonotaau kon i Allah.’

YEHEZKIEL 32:21

Pahlawan mita inta mongobarani bo intau mita inta noparang dinumotá kon Mesir sinontomu monia kinopia in kinoangoian in intau in Mesir kon dunia in intau minatoi. Norogiow in mosia nanaa, ‘Intau mita inta diá nonotaau kon i Allah tua in minatoidon kon bonu in parang. Tanaa in namangoidon in mosia in naa bo inumuḻid kon naa!’

YEHEZKIEL 32:30

Bayongan in ki adí ḷoḷaki i datu nongkon utuan in kon tua, natua doman intau mita in Sidon. Dungkuḷmai kawasa monia nokopomuká kon ondok, táe tanaa mosia in pinokopo oyámai bo takin diá sinoit mosia noponag kon dunia in intau minatoi noyotakin in intau mita inta minatoi kon pinoparangan. Kon tua mosia inumuḻid bo nobaba kon dosa takin intau mita inta noponag kon dunia in intau minatoi.

YEHEZKIEL 34:29

Poḷumbaan-Kubí in gobá mita monia dá diá bidon in malarat in kaanon kon butá tatua. Mosia in diá bidon singkuḻeon bui in bangusa mita ibanea.

YEHEZKIEL 36:15

Diá bidon paraḷu in butá tanaa in mokodongog kon singkuḻe in bangusa mita andeka mobaba kon singkuḻe in intau. Butá tanaa in diá bidon moyompat bui kon bangusa inta nogutun kon tua. Akuoi, ki Tuhan Inta Totok in moḷantud ain nosingog.’ ”

YEHEZKIEL 39:26

Aka mosia in mogutundon bui takin moodom kon butá monia tontaní, bo diádon tobatúmai in intau in mopogogondok kon i monia, dá koḻiongandon monia kon dodai in mosia pinokopo oyámai popisí in nonoḻikudon kon i-Nakó.

YEHEZKIEL 44:13

Mosia in diá bidon motaau in mogundoi kon i-Nakó saḷaku imang andeka moḻiai kon onu inta motusi kon i-Nakó, andeka tumuot kon Tampat Inta Totok in Motusi. Tuata in hukuman kon aid mita nonajis inta ain inaidan monia.

DANIEL 8:2

Kon bonu in oontongon tatua inontongku in awakku in kon propinsi Elam, kon Susan, ibukotá in Persia. Akuoi in sinimindog mako kon diug in Ongkag in Ulai,

HABAKUK 2:16

Yo tanaa in noiyaputdon in wakutumu pokopooyáanmai, bo deemanbí horomaton. Kahoromatanmu in mobaḷui mobaḻí kohohina. Ki Tuhan in momakisa kon inimu monginum nongkon palo inta bonunea in hukuman kon inimu. Iko in monginumbí bo moipape magí mako.

MATIUS 11:23

Bo iko Kapernaum, degá kainimu kamai iko in diaanbí mamonik in ḷangit? Diápa, sedang bo moiko in pogonagbí kon naraka! Sin aka soaḷ mita inta mokoherang inta ain nobaḻí kon yua-yuak monimu bo nobaḻí kon Sodom, yo kotá tatua in umuranpabí oyúon nodapot in masa in naa.”