YEHEZKIEL 32:2 - Alkitab Singog In Mongondow Masa In Tanaa

² “Ei intau ilo-ilow, potoingatdon totok kon i datu in Mesir. Potaau in koyow-Ku tanaa kon inia, ‘Iko in tumon naonda bo singa batánea kon sigad in bangusa mita, táe iko in naonda bo bangkeḻé inta mogutun mako kon tubig. Sioḷmu in mokoḷobog bo mokokotor kon bayongan in ongkag.

YEHEZKIEL 32:2 Mawu Ofanana

KINOBAḺIAN 49:9

Ki Yohuda naonda bo singa batánea; sia in moḻimod kon kokaanonnea bodongka bui mayá kon dumunnea; sia momuḻikai bodongka umuḻid, bo diá tobatúmai intau mokobaḻí monuyayow kon inia.

AYUB 41:23

Diábí in noḻemé kon kuḻitnea; diábí mokobotak sin motogat naonda bo uwaja.

AYUB 7:12

Nongonu sin akuoi in umuranbí indoian-Mu bo ḷukadan-Mu? Eta degá akuoi naa naga in dagat inta mokoanib?

AMSAL 25:26

Intau mopia inta tumungkud kon intau moromú in naonda bo bokaká inta noḷobog andeka parigí inta nokarensó.

AMSAL 28:15

Intau moraat inta mongawasa kon intau inta kinodaitan, naonda bo singa inta moganggor andeka beruang inta mondudur.

AMSAL 30:30

Singa, mahaḷuk inta totok in moropot kon sigad in bayongan mahaḷuk bo diá moondok kon onuka;

YESAYA 27:1

Kon dodai intua ki Tuhan in momakébí in pitow-Nea inta moropot bo moḷanit sin mohukum kon Lewiatan, uḷag inta ḷumandai bo iḻimibo-ḻibod tua, bo moḻimod kon naga in dagat.

YESAYA 51:9

Sindogdon o Tuhan, tuḷungaidon in kami, posaḷamatdon in kami in kawasa-Mu. Sindogdon ná kon tungkuḷ intua kon tungkuḷ in iko nomutuk kon i Rahab bo nonumbuk kon naga in dagat tatua nodapot in minatoi.

YEREMIA 4:7

Ná singa inta iḻumuai nongkon pinogadopannea natua doman nobuatdon in momomutú kon bangusa mita inta namangoi sin momutú kon Yohuda. Kotá mita in Yohuda in mobaḻídon dongka rumbunnea tampat inta diá inutunan in intau.

YEREMIA 46:7

Ki ine in sia inta noponik naonda bo tubig in Ongkag in Nil, naonda bo ongkag inta iyumanap kon bingkínea mita? Tuata in butá in Mesir. Gumannea, ‘Simindogbí in akuoi bo kawasaanku in dunia. Yopúonkubí in kotá mita takin intaunea.

YEREMIA 9:18

Intau in Yohuda noguman, “Ḷagidon pokidondongai in mosia in dondong ponogumatoian kon inaton komintan, sinbá motutug in ḷuá momuntad kon putongi naton.”

YEHEZKIEL 26:17

Onda intua mosia mopodondong in dondong poḷobongan kon inimu: Norimumudon in kotá inta dinende-dendé! Bayongan in kapaḷnea sinimpat nongkon baḷangon. Intaunea mita dungkuḷmai nongawasa kon dagat nodapot in intau mita in pintad noondok.

YEHEZKIEL 27:32

Bo nopodondong in mosia in dondong poḷobongan, ‘Tirus, ki ine in koḻimonikanmu? Tirus, kon dagat kibio-biómaidon in iko.

YEHEZKIEL 28:12

“Ei intau ilo-ilow, amuiaidon in ki datu in Tirus. Potaaudon in onu inta poguman-Ku, Akuoi Tuhan Inta Totok in moḷantud kon inia, ‘Iko in nokoimontandon in nobaḻí lambang in kosompurnaan; dungkuḷmai iko in totuu mobijaksana bo mogaga!

YEHEZKIEL 29:15

inta moiḻiu in yangkó kon sinangkub in dunia. Baḻíon-Ku in moiko totok in moyangkó dá moiko in diábí mokoparenta kon bangusa mita ibanea andeka dumodia kon monia.

YEHEZKIEL 29:3

Ki Tuhan Inta Totok in moḷantud in nopotabá kon inakó mopotaau kon i datu in koyow tanaa, “Akuoi naa in musungmu, ei bangkeḻé moḷoben inta nosiug mako kon yuak in ongkag. Iko in mongambungangaḷ kainimu in Ongkag in Nil iko in kitogi bo iko in nomia.

YEHEZKIEL 32:16

Tompoingat motogat tanaa in mobaḻí dondong kopatoian. Bobay mita nongkon bangusa mita ibanea in mopodondong intua nobaḻí tomponuot nonogumatoi kon Mesir bo bayongan in rayatnea. Akuoi, ki Tuhan Inta Totok moḷantud ain nosingog.”

YEHEZKIEL 32:18

“Ei intau ilo-ilow, ponogumatoidon kon rayat kon Mesir. Pokidiadon in mosia kon dunia in intau minatoi moyotakin in butá mita intau moropot ibanea.

YEHEZKIEL 34:18

Kon sigad monimu oyúon in diá moorop aka tongá mokaan kon bonok inta totok in moḷumbá, táe poḷatbí moruntai kon bonok inta diá kinaan monia! Mosia in nonginum kon tubig inta nosilang bo mopaḷut mako moḷobog kon tubig inta diá ininum monia!

YEHEZKIEL 38:13

Intau mita in Syeba bo Dedan takin mododagang mita kon kotá mita kon butá in Spanyol in moḻibóbí nanaa kon inimu, ‘Degá tongganutanmu in tontaramu tongá makusud mogagow bo mogamá poḷat modia kon buḷawan, saḷaka, bobiagon bo kapunyaan mita, poḷat mogakut kon tua komintan?’ ”

PINOGIAPAN 24:9

Bangusa tatua naonda bo singa koḷakian bo singa kobaayan, inta tumongkob bo umuḻid. Ki ine in mokobaḻí mopobangon kon inia? Poigumon mako intau inta momarakat kon inimu in barakatan doman, bo intau inta mongutuk kon inimu in kutukon doman.”

MATIUS 7:24

“Pomuḷoi in intau inta nokidongog kon singog-Ku bo aidannea intua komintan, yo sia tua in ibarat intau inta mopandoi, inta noposindog in baḷoinea kon tudu in batu.