YEHEZKIEL 32:15 - Alkitab Singog In Mongondow Masa In Tanaa

¹⁵ Aka Mesir baḻíon-Kudon padang gurun inta moingongow, bo yompaton-Kudon in bayongan inta nogutun kon tua, yo kotaauandon monia kon Akuoibí in ki Tuhan.

YEHEZKIEL 32:15 Mawu Ofanana

MAZMUR 24:1

Mazmur i Daud. Ki Tuhanbí in kitogi kon butá bo tombonunea, dunia bo bayongan inta nogutun kon tua.

MAZMUR 9:16

Bangusa mita inta diá nonotaau kon ini-Mu notopak kon bubú inta kinaḻi monia tontaní; mosia in noibaaḷ kon pukot monia tontaní.

IḶUAIAN 14:18

Dá kotaauandon intau In Mesir kon Akuoibí in ki Tuhan.”

IḶUAIAN 14:4

Baḻíon-Ku in sia motogat in gina sinbá aḷowanneadon in moiko. Táe poontong-Kudon in kawasa-Ku kon i datu in Mesir bo tontaranea mita, bá kotaauandon monia kon Akuoi naa in ki Tuhan.” Bo inaidandon intau in Israel onu inta ain pinarenta i Tuhan kon i monia.

IḶUAIAN 7:5

Dá intau in Mesir monotaaudon kon Akuoi naa in Tuhan, kon dodai in Akuoi mohukum kon i monia bo modia kon Israel ḷumuai nongkon butá monia”.

YEHEZKIEL 29:12

Baḻíon-Kubí in Mesir moingongow dá kon sigad in butá mita inta noingongow ibanea, Mesirdon in totok in moingongow. Kon bonu in opat nopuḷú notaong kotá mita in Mesir in mobaḻíbí apug inta moiḻiudon kon apug mita in kotá kon ondakabí. Bangusa in Mesir in baḻíon-Kubí moḷoḷagui mita. Mosia in moibaya-bayábí mako kon bayongan in butá bo mogutun kon yua-yuak in bangusa ibanea.”

YEHEZKIEL 30:19

Natuata Akuoi in mohukumbí kon Mesir, dá kotaauandon monia kon Akuoibí in ki Tuhan.”

YEHEZKIEL 30:26

Porariton-Kubí in intau mita in Mesir kon sinangkub in dunia. Dá kotaauandon monia kon Akuoibí in ki Tuhan.”

YEHEZKIEL 32:14

Dá ongkag mita kon butámu in insilangan-Kudon bo tompiaan-Kudon in koiḻignea. Akuoi, ki Tuhan Inta Totok in moḷantud ain nosingog.

YEHEZKIEL 6:7

Kon bayongan tampat oyúon in intau in kinoḻimodan, bo mosia inta mosaḷamat in monotaaudon kon Akuoibí in ki Tuhan.