YEHEZKIEL 31:15 - Alkitab Singog In Mongondow Masa In Tanaa

¹⁵ Nanaa in singog i Tuhan Inta Totok in moḷantud, “Aka pangkoi in kayu tatua moponag kon dunia in intau minatoi, potabá-Ku in tubig kon ḻimonag in butá nonagom kon inia nobaḻí tomponuot nonogumatoi. Pogogaion-Kubí in toḷog in ongkag bo modimpot kon tapá mita. Popisí in pangkoi in kayu tatua minatoidon, popoangoi-Kubí in sindip kon buḷud mita in Libanon bo poḷaḷowon in bayongan in kayu kon kayuon.

YEHEZKIEL 31:15 Mawu Ofanana

SAMUEL 2 1:21

Ei buḷud mita in Gilboa, indongogaidon in baḷúku: Dika modapot in oḷú bo uyan momuntad kon inimu! Pomayádon mako moingkag bo moḷogat in gobá bo tampat popokaanmu in biag. Sin kon tuata in kinogambatan in kaḻeaw in intau mita mobarani. Bo kaḻeaw i Saul in kaḻiotáan, diádon iḻepoan bui in ḷana.

YEHEZKIEL 26:16

Mokoontong kon ukurmu, datu mita nongkon bangusa mita kon pintad in simindog nongkon pomomarentaan, moḷongkut kon pakeang in datu bo ḷambung monia inta sinomboréan, bo ḻimitú kon butá urot mako. Totokdon in moondok in mosia modapot in diádon moonow.

YEHEZKIEL 26:18

Tanaa, kon singgai iko sinaḷow, intau mita inta nogutun kon ḻibuton mita mourot mako. Noitaḻikokog in mosia komintan in nokoontong kon kinorimumudanmu inta diádon kinoraian.”

YEHEZKIEL 32:7

Kon dodai in yompaton-Ku in iko, koḷoban-Ku in ḷangit bo tundi mita in pokudowon-Ku. Mata in singgai in popoadop-Kudon kon goḷom bo buḷan in diádon monindar.

MALEAKHI 3:4

Dá nádon kon dungkuḷmai, ki Tuhan in moibogdon kon kuruban mita inta posumba kon i-Nia in umat in Yohuda bo Yerusalem.