YEHEZKIEL 31:12 - Alkitab Singog In Mongondow Masa In Tanaa

¹² Tontara ango-angoi inta diá nonotaau in ampung in momupuḷbí kon inia bo pomayádon mako. Tanganea inta noputoḷdon in moḷabúdon kon bayongan in buḷud bo ḷopá kon butá tatua. Bayongan in bangusa inta nogutun kon siungonnea in mayábí monaḷámai kon inia.

YEHEZKIEL 31:12 Mawu Ofanana

YEHEZKIEL 30:11

Ki Nebukadnezar takin tontaranea inta diá koampung in mamangoibí bo morimumud kon butá tatua. Mosia in monububí kon Mesir momaké in kedang, bo mayat mita in posibayábí kon butá tatua.

YEHEZKIEL 30:12

Ingkagan-Kubí in Ongkag in Nil bo mobogoi kon sinangkub in Mesir kon intau mita moraat. Intau mita ango-angoi potabá-Kubí moyompat kon sinangkub in butá tatua. Akuoi ki Tuhan, ain nosingog.”

YEHEZKIEL 31:17

Mosia in modia kon inia pobayá in dunia in intau minatoi bo moyosipun takin monia inta ain noḷabú. Bo bayongan inta dungkuḷmai iḻimitú kon siungon in pangkoi in kayu tatua in poraritonbí kon sigad in bangusa mita.

YEHEZKIEL 32:12

Tontara mita nongkon bangusa mita inta moḻingá in pokirabutan-Kudon in kedang monia bo monibat kon bayongan in rayatmu. Rayatmu bo bayongan inta kinoibogmu in morimumud komintan.

YEHEZKIEL 35:5

Nongkon koḻipodpabímai sinaturu monimu in Israel bo nopomayá mako sinota-totad kon dodai in mosia kinoantugan in bodito saḷaku hukuman imbuitnea popisí in dosa monia.

YEHEZKIEL 35:8

Buḷud mita in bumbunan-Kubí in mayatmu mita, tombuḷud bo ḷopá in puḻingan-Kubí in intau mita inta minatoi kon parang.

YEHEZKIEL 39:4

Kon tudu in buḷud mita in Israel, ki Gog takin bayongan in tontara bo bayongan in inta dinumugang kon inia in matoibí kon parang, bo mayat mita monia in ogoi-Kubí kon ḷagapan mita bo mahaḷuk moraat sin pokikaan.

YEHEZKIEL 7:21

Ki Tuhan in noguman kon bangusa in Israel, “Pomayá-Kubí mako in intau mita ango-angoi in mogagow kon i monimu. Intau mita moraat in mogagowbí kon kapunyaanmu bo moponajis intua.

DANIEL 4:11

Pangkoi in kayu tatua noḷantud totok; pangkoinea in moḷoben bo moropot. Ḷuntungnea in nodapot in ḷangit, dá koontonganbí in bayongan in intau kon sinangkub in dunia naa.

HABAKUK 1:11

Bo ná koḻikat in tompot nobuatdon in intau mita inta nopongata in ropotnea tontaní tatua.”

HABAKUK 1:6

Bangusa in Babel inta morongang bo mopokaan tatua in baḻíon-Ku bangusa inta mongongawasa. Mosia in mopipid in ḷumuai nongkon butánea bo moḻibu kon sinangkub in dunia sin mopotungkud kon bangusa mita ibanea.

WAHYU 17:16

Tungoi mopuḷú bo mahaḷuk inta inontongmu tua, moyaatbí in ginanea kon sundaḷ tatua. Daitonbí agowon monia in bayongan kapunyaannea, bo pilangan monia. Kaanonbí monia in tapúnea bo payongon monia in tuḷu.