YEHEZKIEL 30:21 - Alkitab Singog In Mongondow Masa In Tanaa

²¹ “Ei intau ilo-ilow, pinutoḷan-Kudon in kokaḷ i datu in Mesir, bo diábí in mobakut kon kokaḷnea tatua andeka mogomoḷ sinbá mopia bo moropotdon bui pokadai kon kedang.

YEHEZKIEL 30:21 Mawu Ofanana

MAZMUR 10:15

Putoḷaidon in kawasa in intau moraat bo moromú; hukumdon in mosia popisí in aidnea modapot in mosia motobat.

MAZMUR 37:17

Sin kawasa in intau moraat in putoḷonbí i Tuhan, táe intau mopia in ḷukadan-Neabí.

MAZMUR 89:43

Pinountung-Mu in musungnea mita, bo bayongan in ḷawang pinoḷunganga in ginanea.

YESAYA 1:6

Nongkon uḷu nodapot kon paḷad in sioḷ diádon in nopia in kon awakmu. Moiko in nopuḻingdon in bobagá mita, inumuḷo-uḷow bo paḻí mita. Paḻímu mita tatua in diápa dinaritan andeka binakut, diá doman inundaman in ḷana.

YEREMIA 30:13

Diá bidon tobatúmai in intau in moḷongasi mongudam kon inimu, diábí in undam in bituḷmu mita, diádon in kamangmu kon mopiapa.

YEREMIA 44:30

Ki Hopra datu in Mesir in ogoi-Kubí kon musung mita inta moibog moḻimod kon inia, ná Akuoi ain nobogoi kon i Zedekia datu in Yohuda kon i Nebukadnezar datu in Babel, musungnea inta moibog moḻimod kon inia tua.”

YEREMIA 46:11

Ei intau in Mesir, bayádon kon Gilead sin motayak kon undam! Umpaka natua táe diábí in undam inta mokopia kon i monimu.

YEREMIA 48:25

Ropot in Moab ain pinutoḷ, bo kawasanea in irimumudon. Akuoi, ki Tuhan, ain nosingog.”

YEHEZKIEL 30:24

Bo irotonan-Ku in kokaḷ i datu in Babel, bo popokadai-Ku kon ḻimanea in kedang-Ku. Táe kokaḷ i datu in Mesir in putoḷon-Kubí dá kumarak in sia bo matoi kon tayowon i datu in Babel, musungnea.

YEHEZKIEL 39:3

Kon tua pangkáan-Ku in puḷu in piotnea modapot in moḷabú kon ḻima koḷoiginea, bo tontakon-Ku in piotnea mita nongkon ḻima koḷanannea.

NAHUM 3:16

Mopopotaḷuimu in moanto-antódon kon tundi kon ḷangit in kobayongnea! Táe tanaa in diádon in mosia, naonda bo pangkoḷá inta nosongkádon kon koḻikipnea bo dongka iḷumayug minayá.

ZAKHARIA 11:17

Kinutukdon totok in gombala inta diá baraguna tatua! Sia in nonaḷámaidon kon paanan in dombanea. Parang in mogimpaḷut kon kawasanea. Kokaḷnea in moḻemédon bo mata koḷanannea in mobilogdon.”

WAHYU 18:21

Onda intua, tobatú malaekat inta moropot, nobingkat kon tobatú batu inta ná koḷoben in giḻingan, bo pinogambatnea kon bonu in dagat bo poḷat noguman, “Pomiaan natua in kotá in Babel inta moḷoben tua, pogambat koropoton sahingga in diádon bui ontongon.