YEHEZKIEL 30:16 - Alkitab Singog In Mongondow Masa In Tanaa

¹⁶ bo kotá tatua in mororiga bidon totok. Totuu, turubon-Kubí in Mesir. Dinding mita in kotá in Tebe in moumpagbí bo kotá tatua in untagonbí in ḷunud.

YEHEZKIEL 30:16 Mawu Ofanana

YEREMIA 44:1

Ki Tuhan in nosingog kon inakó soaḷ bayongan in intau in Israel inta nogutun kon Mesir, inta kon kotá in Migdol, Tahpanhes, Mempis, bo kon butá kon dotá in toḷatan.

YEHEZKIEL 28:18

Ki Tuhan in noguman, “Ei Tirus, iko in nongotor kon pooibadaanmu popisí in taḷá mita bo tombogá kon dodai in nodagang. Tuamai in tubáan-Ku in iko modapot in motondodai in butá. Bayongan in intau inta moindoi kon inimu tongádon moindoi kon ḷobud.

YEHEZKIEL 30:13

Ki Tuhan Inta Totok in moḷantud in noguman, “Akuoi in morimumudbí kon berhala mita bo dewa mita kon Mempis. Diá bidon in datu kon Mesir. Bayongan intau inta nogutun kon tua in baḻíon-Kubí moondok komintan.

YEHEZKIEL 30:14

Sinangkub in Mesir toḷatan in baḻíon-Kubí moingongow totok bo kotá in Soan kon utuan in turubon-Ku. Tebe ki iná in kotá tatua in hukumon-Ku,

YEHEZKIEL 30:15

bo kaoyúonan in inggamáan-Ku. Pogabuton-Kubí in torú-Ku kon Pelusium, kotá inta nobaḻí benteng in Mesir,

YEHEZKIEL 30:17

Tayowmobiag mita in kotá in Heliopolis bo Bubastis in matoibí kon bonu in parang, bo bobay mita in dakoponbí.

YEHEZKIEL 39:6

Pomuká-Kubí in kopagongan kon butá in Magog bo kon pintad mita, inta pinogutunan in intaunea mita takin pia-pia mako. Dá kotaauandon monia komintan kon Akuoibí in ki Tuhan.

HOSEA 9:6

Aka bodito moiangoi, bo moiko in diaan kon butá ibanea, dá inta kinotaḷáan kon sigad monimu in sipunonbí in intau mita in Mesir sin ḻimodon bo ḷobongon kon Mempis! Bonok bo dugi in mobiagbí moikoḷob kon tampat mita inta pinobaḷoianmu koḻipod bo pakakatmu mita saḷaka inta koboḻi.