YEHEZKIEL 30:11 - Alkitab Singog In Mongondow Masa In Tanaa

¹¹ Ki Nebukadnezar takin tontaranea inta diá koampung in mamangoibí bo morimumud kon butá tatua. Mosia in monububí kon Mesir momaké in kedang, bo mayat mita in posibayábí kon butá tatua.

YEHEZKIEL 30:11 Mawu Ofanana

YEHEZKIEL 30:24

Bo irotonan-Ku in kokaḷ i datu in Babel, bo popokadai-Ku kon ḻimanea in kedang-Ku. Táe kokaḷ i datu in Mesir in putoḷon-Kubí dá kumarak in sia bo matoi kon tayowon i datu in Babel, musungnea.

YEHEZKIEL 31:11

Dá inindoí-Kudon in sia bo inogoidon kon mongongawasa ango-angoi, inta mopoaid kon inia podudui in aid moraatnea.

YEHEZKIEL 31:12

Tontara ango-angoi inta diá nonotaau in ampung in momupuḷbí kon inia bo pomayádon mako. Tanganea inta noputoḷdon in moḷabúdon kon bayongan in buḷud bo ḷopá kon butá tatua. Bayongan in bangusa inta nogutun kon siungonnea in mayábí monaḷámai kon inia.

YEHEZKIEL 32:12

Tontara mita nongkon bangusa mita inta moḻingá in pokirabutan-Kudon in kedang monia bo monibat kon bayongan in rayatmu. Rayatmu bo bayongan inta kinoibogmu in morimumud komintan.

YEHEZKIEL 35:8

Buḷud mita in bumbunan-Kubí in mayatmu mita, tombuḷud bo ḷopá in puḻingan-Kubí in intau mita inta minatoi kon parang.

YEHEZKIEL 39:4

Kon tudu in buḷud mita in Israel, ki Gog takin bayongan in tontara bo bayongan in inta dinumugang kon inia in matoibí kon parang, bo mayat mita monia in ogoi-Kubí kon ḷagapan mita bo mahaḷuk moraat sin pokikaan.

ULANGAN 28:50

Mosia tua in moraat totok bo diá kototabi kon intau mita inta nogoguyangdon ande inta mongoadípa mita.