YEHEZKIEL 3:27 - Alkitab Singog In Mongondow Masa In Tanaa

²⁷ Bain, aka Akuoi mosingog bui kon inimu bo mopobui in ropotmu mosingog bui, yo iko in mustibí mopotaau kon onu inta poguman-Ku, Tuhan Inta Totok in moḷantud kon i monia. Tongosilai kon i monia in mokodongogbí, táe tongosilai doman in diábí mokidongog, sin mosia in totuubí kon bangusa momomarontak.”

YEHEZKIEL 3:27 Mawu Ofanana

YEHEZKIEL 11:25

Bo inoumanku kon intau mita inta iḷumbú in bayongan inta pinoontong i Tuhan kon inakó.

YEHEZKIEL 2:4

Mosia in pamandot bo diá mohoromat kon i-Nakó. Iko in potabá-Ku mayá kon i monia mopotaau kon onu inta bain potaau-Ku, Tuhan Inta Totok in moḷantud kon i monia,

YEHEZKIEL 2:5

indongogan monia andeka diá; naabí in inta totok in moponting, musti kotaauan monia kon oyúon in nabi kon yua-yuak monia.

YEHEZKIEL 24:27

Kon singgai doman tatuata iko in mokosingogdon bui bo diádon mobobó. Bo iko in moyosingogdon in intau tatua. Natuata iko in mobaḻídon tomponuot kon i monia; dá kotaauandon monia kon Akuoibí in ki Tuhan.”

YEHEZKIEL 29:21

Aka tua bo mobaḻídon, baḻíon-Ku in Israel bangusa inta moropot, bo mobogoi kon inimu Yehezkiel, mosingog diá in moḷamboi dá bayongan in intau mokidongogdon kon inimu. Dá kotaauandon monia kon Akuoibí in ki Tuhan.”

YEHEZKIEL 3:11

Bayádon kon bangusamu inta kon bonu in pinoḷumbúan tatua, bo potaaudon in onu inta potaau-Ku, ki Tuhan Inta Totok in moḷantud kon i monia, moibog andeka doí in mosia mokidongog.”

YEHEZKIEL 3:26

Potorondóon-Ku in dilámu, dá iko in diádon motaau mopotoingat kon bangusa momomarontak tanaa.

YEHEZKIEL 3:9

Iko in baḻíon-Ku ná koroton in batu karang bo ná kotogat in intan. Dikadon moondok kon intau mita momomarontak tatua.”

YEHEZKIEL 33:22

Kon dodai in doḷom kon tungkuḷ in sia namangoi, kawasa i Tuhan namangoidon kon inakó. Dá kon dodai in intau tatua namangoi kon inakó, nokosingogdon in akuoi diádon nobobó.

YEHEZKIEL 33:32

Iko in inanggap intau inta mopodondong in dondong totabian inta mopia kodongogan bo mopia mopogogitog in kecapi. Totuu kon mokidongogbí in mosia kon tosingogonmu mita táe diábí duduiannea.

MATIUS 11:15

Aka oyúon in bongoḷan, yo pokidongog.

MATIUS 13:9

“Aka kobongoḷan, yo indongogai!”

LUKAS 21:15

Bá kotaauan monimu kon Akuoibí in moguman kon onu inta musti potubag monimu, sahingga saturu mita monimu tua, diá mokoḷawang ande mokobayow kon onu in singogon monimu.

EPESUS 6:19

Bo sambayangai doman in akuoi, sinbá wakutu in akuoi mosingog ogoian i Allah in singog mita inta moitutui, bo bá mobarani totok in akuoi mopotaau in onu inta noibunipa kon Habar Mopia tua.