YEHEZKIEL 3:15 - Alkitab Singog In Mongondow Masa In Tanaa

¹⁵ Dá noiyaputdon in akuoi kon tampat pinogutunan in intau mita inta iḻumbú kon Tel-Abib kon bingkí in Ongkag in Kebar. Pitu nosinggai in akuoi nogutun kon tua; noitongau mako in akuoi popisí in bayongan in inta bagukupa dinongog bo inta inontongku.

YEHEZKIEL 3:15 Mawu Ofanana

KINOBAḺIAN 50:10

Naonda in mosia nodapot kon tampat pobobantingan in intau kon gandum kon Goren-Haatad, kon dotá in pomukaan kon Ongkag in Yordan, mosia in nongombaḷ takin kuyang in gina bo takin doman ombaḷ moropot. Ki Yusup nomia kon pinonusaan, pitu nosinggai in koongotnea.

AYUB 2:13

Pitu nosinggai bo pitu nogobii in mosia iḻimitú mako kon butá, kon diugmai i Ayub, takin diá noposingo-singog, sin inontong monia kon totuu mobogat in roriganea.

MAZMUR 137:1

Kon bingkí in ongkag mita in Babel kami in iḻimitú bo mongombaḷ aka mokotorop kon Sion.

YEREMIA 23:9

Naa in koyowku soaḷ nabi mita: Ginaku morumbun bo mourot in akuoi. Ki Tuhan bo tosingogon-Nea inta motusi nopobaḻí kon inakó naonda bo intau noḷoḷangu inta noiḻiu in bayong in anggur ininum.

YEHEZKIEL 1:1

Kon singgai iḻimanea buḷan inggopatnea kon taong intoḷu nopuḷúnea, kon bonu in taong iḻimanea ki Datu Yoyakhin inakut pinobayá in pinoḷumbúan, akuoi, ki Imang Yehezkiel ki adí i Busi, in kon bingkí in Ongkag in Kebar kon Babel noyotakin in intau mita in Yahudi ibanea inta iḷumbú. Daḻíbí nobukat in ḷangit bo akuoi in nokouḻí kon oontongon soaḷ ki Allah. Dinongogku in ki Tuhan in nopoyaput in singog kon inakó bo kinorasaanku in ropot in kawasa-Nea.

YEHEZKIEL 10:15

Kerub mita tatuata inta koḻipod inontongku kon bingkí in Ongkag in Kebar. Pomuḷoi in kerub mita tatua ḻimiai andeka mosongká kon koḻikipnea, mamonik in ḷangit bo ḷumayug mayá andeka mogogai, yo roda mita tatua in umuranbí dumudui, sin kinawasa in kerub mita tatua.

YEHEZKIEL 3:23

Dá minayádon in akuoi kon ḷopá, bo kon tua inontongku in bayag nonindar inta moponiata kon kinoangoian i Tuhan ná inta ain inontongku kon bingkí in Ongkag in Kebar. Bo noitongkob in akuoi kon tudu in butá,

YEHEZKIEL 43:3

Oontongon tatua in notongkai in inta inontongku kon dodai in ki Allah namangoi sin morimumud kon Yerusalem, bo ná inta inontongku kon Ongkag in Kebar. Bo inumumpag in akuoi bo nosundud.

HABAKUK 3:16

Nokodongogmai kon tua, inagían in ondok in akuoi bo bibigku in motondodaḷó. Akuoi in nobaḻí noḻemé diádon in ropot, sioḷku in noipintud, kon ondaka in bayáanku. Oḷatonkubí takin gina moodom in hukuman i Allah kon mononubu.