YEHEZKIEL 29:4 - Alkitab Singog In Mongondow Masa In Tanaa

⁴ Taanan-Kubí in kokaud in tunggimu bo ukatan in toyá mita kon unapmu. Bo uguton-Ku in iko poḷuai kon Ongkag in Nil takin bayongan in toyá inta noikompit kon unapmu tua.

YEHEZKIEL 29:4 Mawu Ofanana

DATU MITA 2 19:28

Kinotaauan-Kubí kon iko in sinumorú totok kon i-Nakó, bo kinodongogan-Ku domandon in kaḷakuangmu tatua. Tanaa in popopakéan-Kudon in kokarit kon ngiungmu bo rante kon bibigmu, sinbá uguton-Kudon in iko mongin daḷan inta binayáanmu kon tungkuḷ in namangoi.”

YESAYA 37:29

bo kinodongogan-Kudon in torú bo ḷoḷatúmu tatua. Tanaa in pinopoḷutudan-Ku in kokaud kon ngiungmu bo baḷaḷá kon bibigmu, sinbá iko in uguton-Ku mobui mongin daḷan inta binayáanmu kon dodai in iko namangoi.”

YEREMIA 25:33

Kon singgai tatua mayat in intau mita inta pinatoi i Tuhan in moibilabagdon magí mako kon sinangkub in butá. Mosia in diá bidon ombaḷan, diábí doman buaton sin ḷobongon, táe pomayá bidon mako kon butá naonda bo kinosipunan in apat.

YEHEZKIEL 38:4

Potabaton-Kubí in sia, poḷutudan in kokaud kon tuḷan in ayoinea, bo mogugut kon inia poḷuaion takin bayongan in tontaranea. Nobarongbí totok in tontaranea tumotakoi kon kabaḷo inta nogi soragam tatua. Batúan in tontara nodia kon kaḻeaw bo kedang.

AMOS 4:2

Akuoi, ki Tuhan Inta Totok in Moḷantud in ki Tuhan inta motusi, bo Akuoi in nodandidon kon moiko in kon singgai moiduduimai in irudon in kokaud; moiko komintan in naonda bo toyá kon mata in kail.