YEHEZKIEL 29:21 - Alkitab Singog In Mongondow Masa In Tanaa

²¹ Aka tua bo mobaḻídon, baḻíon-Ku in Israel bangusa inta moropot, bo mobogoi kon inimu Yehezkiel, mosingog diá in moḷamboi dá bayongan in intau mokidongogdon kon inimu. Dá kotaauandon monia kon Akuoibí in ki Tuhan.”

YEHEZKIEL 29:21 Mawu Ofanana

MAZMUR 112:9

Sia in mosila-silaibí mako kon kapunyaannea, bo mobogoi in oogoi kon intau nobogá; sia in umuranbí mogaid kon inta mopia, tuamai in sia nongawasa bo ihoromat.

MAZMUR 132:17

Kon naa buí i Daud tobatú in baḻíon-Kubí datu; pomomarentaannea in irigonan-Kubí.

MAZMUR 148:14

Sia in noginropotdon kon bangusa-Nea, dá Sia in dinayo-dayowdon in umat-Nea, Israel, umat inta totok in kinotabi-Nea. Dayowdon in ki Tuhan!

MAZMUR 51:15

Dá tundúonku in parenta-Mu kon intau baradosa, sinbá mobuidon mangoi in mosia kon ini-Mu.

MAZMUR 92:10

Kinotaauan nami in musung-Mu in yompatonbí, o Tuhan, bayongan in intau moraat in poraritonbí.

YESAYA 27:6

Kon singgai moiduduimai, bangusa in Israel in mobaḻídon naonda bo pangkoi in kayu inta nonguakat bo modugang, bo momuḻing kon dunia pongin bungainea mita.

YEREMIA 23:5

Ki Tuhan in noguman, “Moiangoibí in wakutunea, Akuoi in moduí kon datu tobatú inta moadil nongkon buí i Daud. Datu tatua in momarenta takin bijaksana, bo mogaid kon onu inta moadil bo inta totuu kon sinangkub in butá.

YEHEZKIEL 24:27

Kon singgai doman tatuata iko in mokosingogdon bui bo diádon mobobó. Bo iko in moyosingogdon in intau tatua. Natuata iko in mobaḻídon tomponuot kon i monia; dá kotaauandon monia kon Akuoibí in ki Tuhan.”

YEHEZKIEL 29:16

Israel in diá bidon mopoigum in totuḷung kon inimu. Ukurmu ei bangusa in Mesir in moponoropbí kon Israel kon noitaḷádon totok in nopongata in Mesir, ná inta nokoimontandon inaidannea. Dá kotaauandon in Israel kon Akuoibí in ki Tuhan Inta totok in moḷantud.”

YEHEZKIEL 29:6

Dá kotaauandon in bayongan in rayat in Mesir kon Akuoibí in ki Tuhan.” Ki Tuhan in noguman, “Ei bangusa in Mesir! Intau in Israel in mogoḷat mako kon totuḷungmu, táe noniata magí iko nion in tongábí tungkud inta noḷukó

YEHEZKIEL 29:9

Mesir in mobaḻídon butá inta moingongow totok. Dá kotaauandon monimu kon Akuoibí in ki Tuhan.” Ki Tuhan in noguman, “Ei datu in Mesir! Popisí in iko in noguman kon Ongkag in Nil iko in kitogi bo iko in nomia,

YEHEZKIEL 3:26

Potorondóon-Ku in dilámu, dá iko in diádon motaau mopotoingat kon bangusa momomarontak tanaa.

YEHEZKIEL 3:27

Bain, aka Akuoi mosingog bui kon inimu bo mopobui in ropotmu mosingog bui, yo iko in mustibí mopotaau kon onu inta poguman-Ku, Tuhan Inta Totok in moḷantud kon i monia. Tongosilai kon i monia in mokodongogbí, táe tongosilai doman in diábí mokidongog, sin mosia in totuubí kon bangusa momomarontak.”

YEHEZKIEL 30:1

Ki Tuhan in noguman bui, kai-Nia,

YEHEZKIEL 33:22

Kon dodai in doḷom kon tungkuḷ in sia namangoi, kawasa i Tuhan namangoidon kon inakó. Dá kon dodai in intau tatua namangoi kon inakó, nokosingogdon in akuoi diádon nobobó.

LUKAS 1:69

Sia in nobogoi in mopoposaḷamat kon i naton nongkon buí i Daud, simpaḷ-Nea.

LUKAS 21:15

Bá kotaauan monimu kon Akuoibí in moguman kon onu inta musti potubag monimu, sahingga saturu mita monimu tua, diá mokoḷawang ande mokobayow kon onu in singogon monimu.

SAMUEL 1 2:10

Musung mita i Tuhan in morimumud motontopong, mosia in moondok; nongkon ḷangit in Sia monggotup. Ki Tuhan in mohakim kon bayongan in dunia naa, bo mobogoi in kawasa inta momulia kon i datu inta piniḻí-Nea.”