YEHEZKIEL 29:19 - Alkitab Singog In Mongondow Masa In Tanaa

¹⁹ Tuamai, Akuoi ki Tuhan Inta Totok in moḷantud in noguman: Butá in Mesir in ogoi-Kubí kon i Datu Nebukadnezar. Sia in mogagowbí poḷat modia kon bayongan in kapunyaan in Mesir mobaḻí tondan kon tontaranea.

YEHEZKIEL 29:19 Mawu Ofanana

YESAYA 19:4

Mesir in ogoi-Kubí kon ḻima in datu tobatú motamaa inta momarenta kon i monia pongin aid moromú. Akuoi, ki Tuhan Inta Totok in mokawasa, ain nosingog.”

YEHEZKIEL 26:5

Intau mododomok mita kon toyá in mogiladon kon landará monia kon tudu in batu tatua. Akuoi ki Tuhan Inta Totok in moḷantud ain nosingog. Tirus in mobaḻíbí kokaanon in mobayong in bangusa.

YEHEZKIEL 30:14

Sinangkub in Mesir toḷatan in baḻíon-Kubí moingongow totok bo kotá in Soan kon utuan in turubon-Ku. Tebe ki iná in kotá tatua in hukumon-Ku,

YEHEZKIEL 30:4

Bodito moḷoben in moiantugbí kon Sudan. Kon Mesir mobaḻí in parang. Mobarong in intau in matoi; sinangkub in butá pogagowan bo baḻíon rumbunnea.

YEHEZKIEL 31:2

“Ei intau ilo-ilow, potaaudon in koyow-Ku tanaa kon i datu in Mesir bo bayongan in bangusanea: Totuu motoyang in koḷoḷobenmu! Diábí in mokoḻiu kon inimu!

YEHEZKIEL 32:11

Ki Tuhan Inta Totok in moḷantud in noguman kon i datu in Mesir, “Kedang i datu in Babel in tonggóon kon inimu.

YEHEZKIEL 32:15

Aka Mesir baḻíon-Kudon padang gurun inta moingongow, bo yompaton-Kudon in bayongan inta nogutun kon tua, yo kotaauandon monia kon Akuoibí in ki Tuhan.

YEHEZKIEL 38:12

Iko in mogagowbí bo mogamá poḷat modia kon pakakat mita in intau mita inta nogutun kon kotá inta koḻipod nobaḻídon apug tua. Intaunea inta sinipun nongkon noyagi-yagimai in bangusa, tanaa in kokapunyaandon nobayong takin bobiagon bo mosia in nogutun kon putod in dunia.