YEHEZKIEL 29:16 - Alkitab Singog In Mongondow Masa In Tanaa

¹⁶ Israel in diá bidon mopoigum in totuḷung kon inimu. Ukurmu ei bangusa in Mesir in moponoropbí kon Israel kon noitaḷádon totok in nopongata in Mesir, ná inta nokoimontandon inaidannea. Dá kotaauandon in Israel kon Akuoibí in ki Tuhan Inta totok in moḷantud.”

YEHEZKIEL 29:16 Mawu Ofanana

DATU MITA IMITÁNEA 17:18

Bo boba-bobay tatua in noguman kon i Elia, “Mogogundoi i Allah, nongonu popoaidbí i Amá in tanaa kon inakó? Degá namangoi in ki Amá sinbá kotoropan i Allah in dosaku, noiyaput in matoi in ki adíku?”

MAZMUR 25:7

Ampungaidon kaasí in dosa bo taḷá kon dodai in akuoi nobagupa, toropdon in akuoi podudui in tabi bo kopopia-Mu.

MAZMUR 79:8

Dikabí mohukum kon inami popisí in dosa in mogoguyang nami. Ḷagidon kotabi in kami, sin nodaitdon in kamang nami.

YESAYA 20:5

Intau mita inta mopongata in Sudan bo mopoyunggaga kon Mesir in mooyábí bo morimumudon in kamangnea.

YESAYA 64:9

Dá dikadon tumorú totok, kaasí Tuhan, dikadon monoro-norop kon dosa nami; indoiaidon kaasí in kami naa umat-Mu.

YEREMIA 14:10

Aka kon bangusa tatua ki Tuhan in noguman, “Diá mopia in gina-Ku kon intau mita tatua inta moibog moḷagui kon i-Nakó, bo doí monahang kon gina. Diábí koḻiongan-Ku in taḷá monia, hukumon-Kubí in mosia popisí in dosa monia.”

OMBAḶ 4:17

Moḷopídon in mata nami in moindoi, mogoḷat mako kon totuḷung inta diá doman moiango-angoi. Kami in moharap mako kon totuḷung in bangusa tobatú, inta sabanarnea in diábí mokoogoi kon onu bo onu.

YEHEZKIEL 21:23

Intau mita in Yerusalem in diábí mopirisaya kon mosia in tubuon, sin mosia in nomiadon kon dodandian takin Babel. Táe toḻindap tanaa in mobogoi in tompoingat kon i monia kon mosia in domokonbí popisí in dosa mita monia.

YEHEZKIEL 28:26

Mosia in mobiagbí moodom kon tua bo moposindog in baḷoi mita bo mononggobá poḷat momuḷa kon anggur. Akuoi in mohukumbí kon bayongan in topodiug monia inta ain noningkuḻe kon i monia, dá Israel in moodomdon. Dá kotaauandon monia kon Akuoibí in ki Tuhan Allah monia.”

YEHEZKIEL 29:21

Aka tua bo mobaḻídon, baḻíon-Ku in Israel bangusa inta moropot, bo mobogoi kon inimu Yehezkiel, mosingog diá in moḷamboi dá bayongan in intau mokidongogdon kon inimu. Dá kotaauandon monia kon Akuoibí in ki Tuhan.”

YEHEZKIEL 29:9

Mesir in mobaḻídon butá inta moingongow totok. Dá kotaauandon monimu kon Akuoibí in ki Tuhan.” Ki Tuhan in noguman, “Ei datu in Mesir! Popisí in iko in noguman kon Ongkag in Nil iko in kitogi bo iko in nomia,

HOSEA 12:1

Ki Tuhan in noguman, “Bangusa in Israel iḻimibu kon i-Nakó pinongin uboḷ bo tompobaḻik; bangusa in Yohuda umuran moḷawang kon i-Nakó, ki Allah Inta Mokudus bo inta mosatia.

HOSEA 14:3

Pobuidon kon i Tuhan bo poyaputdon in sambayang tanaa saḷaku sosumbamu kon i-Nia, “Tuhan, ampungaidon in bayongan dosa nami, bo tarimadon kaasí in sambayang nami naa, dá kami in modayowbí kon ini-Mu ná inta ain pinodandi nami.

HOSEA 5:13

Bangusa in Israel bo bangusa in Yohuda nonotaaudon kon kaadaannea inta diá mopia, dá Israel minayá in Asyur bo mopoigum in totuḷung kon i datu moḷoben. Táe ki datu tatua in diábí mokotuḷung andeka monompia bui kon kaadaan monia.

HOSEA 7:11

Israel in uik-untag naonda bo ḷagapan paḷoma inta bodok. Dungkuḷ intaunea mita in mokituḷung kon Mesir, onda intua mosia in noḷagui minayá in Asyur!

HOSEA 8:13

Mosia in moibog moposumba in kuruban kon i-Nakó, bo mokaan kon ponoyá pinokuruban tatua, táe Akuoi ki Tuhan, in diábí moibog kon kuruban mita tatua. Tanaa in toropon-Kudon in dosa monia bo mohukum kon i monia popisí in dosa mita tatua; Akuoi in mokidiabí bui kon i monia pobui kon Mesir!

HOSEA 9:9

Totuu moraat in aidmu naonda bo inta inaidan in intau kon Gibea. Ki Allah in monoropbí kon taḷámu, bo mohukum kon i monimu popisí in dosamu.

PINOGIAPAN 5:15

Kon doyowa nopasaḷ tatua ḷoḷaki tatua musti modia kon i buḷoinea mayá kon i imang. Sia in musti doman modia kon sosumba inta pakéon, tuata in topong gandum tokilo. Topong tatua diábí motaau butakan in ḷana zaitun andeka bubudan in dupa, sin nobaḻí sosumba in aid moiyan, tobatú sosumba inta nobaḻí tomponuot in pinopoiyanan i buḷoinea ḷoḷaki kon i buḷoinea bobay.

IBRANI 10:17

Ki Allah in noguman doman nanaa, “Ḻiongon-Ku bidon in bayongan dosa monia bo aid mita monia inta mongoraat.”

IBRANI 10:3

Táe noniata magí, yo kuruban mita inta pinosumba pomuḷoi in taong tua in tongábí moponorop bui kon intau mita kon bayongan dosa monia.

WAHYU 16:19

Kotá inta moḷoben tatua nobotak nosilai toḷu nosilai, bo norimumudon doman kotá mita in bayongan negara kon dunia inta diá nonotaau kon i Allah. Bo kinotoropandon i Allah in Babel, kotá inta moḷoben tua. Bo pinoinumdon i Allah in anggur nongkon palo anggur i Allah – tuata anggur torú-Nea inta moḷoben totok.