YEHEZKIEL 29:11 - Alkitab Singog In Mongondow Masa In Tanaa

¹¹ Diábí in intau andeka mahaḷuk in tumaḻib kon tua. Kon bonu in opat nopuḷú notaong diábí in intau in mogutun kon tua.

YEHEZKIEL 29:11 Mawu Ofanana

TAWARIKH 2 36:21

Dá nobaḻídon onu inta ain pinoguman i Tuhan pinongin i Yeremia kon butá tatua in mobaḻídon diá in mangaḻenea kon bonu in 70 notaong in koonggotnea nobaḻí toḻiu in taong mita in Sabat inta diá pinandungmai.

YESAYA 23:15

Moiangoibí in wakutunea Tirus in koḻiongan kon bonu in pitu nopuḷú notaong, notongkai in umur in datu tobatú. Aka moitaḻibdon in sempo tatua, Tirus in nádon onda bo bobay sundaḷ kon bonu in dondong tanaa:

YESAYA 23:17

Mopaḷut mako in pitu nopuḷú notaong tatua, ki Tuhan in monoropdon bui kon Tirus bo mobogoidon kon inia mogaid kon oaidannea dungkuḷmai. Sia in modagangdon takin bayongan in dodatuan kon dunia naa.

YESAYA 34:10

Doḷom singgai dokot tatua in diá mopiong, bo poyok moidamonik nongkon inia modapot in mononoi. Butá tatua in taḷaan diádon in tombonunea bo moingkag modapot in adí bo ompu, bo diádon tobatúmai in intau in tumaḻib kon tua.

YEREMIA 29:10

Ki Tuhan in noguman, ‘Aka motompodon in wakutu pitu nopuḷú notaong kon Babel, yo bui-Ku in moiko indoian, bo mogintompod kon dandi-Ku modia kon i monimu mobui kon tampat tanaa.

YEREMIA 46:19

Posadiadon, intau in Mesir, sin dakopon bo diaan mayá! Mempis in mobaḻídon apugnea – tampat inta moingongow popisí in diádon inutunan.

YEREMIA 9:10

Akuoi, ki Yeremia, noguman, “Akuoi in mongombaḷ bo mononogumatoi sin rawang in bonok kon ḷopá bo kon buḷud mita inta ain noingkag totok bo diádon sinaḻiban in intau. Singog in bobiagon diádon kodongogan, manuk bo mahaḷuk mita ibanea noḷaguidon bo nobuḻi.”

YEHEZKIEL 31:12

Tontara ango-angoi inta diá nonotaau in ampung in momupuḷbí kon inia bo pomayádon mako. Tanganea inta noputoḷdon in moḷabúdon kon bayongan in buḷud bo ḷopá kon butá tatua. Bayongan in bangusa inta nogutun kon siungonnea in mayábí monaḷámai kon inia.

YEHEZKIEL 32:13

Biagmu in sibaton-Ku kon bingkí in ongkag pongonginuman monia. Pinomayá intau andeka bobiagon in diábí moḷobog kon tubig in ongkag tatua.

YEHEZKIEL 33:28

Butá tatua in baḻíon-Kubí padang gurun inta moingongow, bo kawasa inta pongatamai monia in moinggamádon. Buḷud mita kon Israel in moingongow bidon dá diádon in tobatúmai in intau in mokobaḻí tumaḻib kon tua.

YEHEZKIEL 36:28

Dá moiko in mogutundon kon butá inta ain inogoi-Ku kon mogoguyangmu. Moiko in mobaḻídon umat-Ku bo Akuoi in mobaḻí ki Allahmu.