YEHEZKIEL 28:5 - Alkitab Singog In Mongondow Masa In Tanaa

⁵ Totuu, mopandoi in iko modagang bo tanaa in nooyúondon totok, bo kaoyúonanmu tua in nokoḷoḷatú kon inimu!’ ”

YEHEZKIEL 28:5 Mawu Ofanana

DATU MITA 2 14:10

Iko, Amazia, in mododiadon, popisí in iko nokotaḷowdon kon intau in Edom. Yo, degá diápa tugat in kinountunganmu tatua? Mopia-piabí kon pogutundon in iko kon baḷoi! Onubí in mangaḻenea motayak kon masala inta tongá mokopopisí kon koboditoanmu takin rayatmu?”

TAWARIKH 2 25:19

Iko, Amazia, mongambungangaḷ kon iko in nonaḷowdon kon intau in Edom, táe maníka iko in mogutundon kon baḷoi. Onubí in mangaḻenea in motayak kon anib inta mokobodito kon inimu tontaní bo rayatmu?”

MAZMUR 52:7

Táe iko in yompatonbí i Allah modapot in mononoi; iko in dinomok bo pogarab nongkon baḷoimu, bo inggamáandon nongkon dunia in intau nobiag.

MAZMUR 62:10

Intau in tongábí gabut in poginaan, moḷoben mointok tumpaḷa diá koboḻi. Aka simbangon, noniata magí nogaanbí in mosia, mogaa-gaanbí kon tompot poginaan.

MAZMUR 62:11

Dikabí mongamang mako kon onu inta agowon, bo dika mopongata in pakakat inagow. Nodapot in aka kaoyúonanmu modugang, dikabí tongádon kon tua in ginamu.

AMSAL 11:28

Ki ine in mopongata in kaoyúonan in mototakbí naonda bo dáun noingkag; intau inta mobanar in modugangbí mobayong naonda bo tokat moguod

AMSAL 26:12

Intau inta totok in bodok in mopia-piabí kon intau inta tumangoi mopandoi.

AMSAL 30:9

Sin, aka akuoi in mooyúon, yo dika-dika bo akuoi in moguman kon akuoi in diábí moparaḷu kon ini-Mu. Bo aka akuoi mobiag bogá, yo dika-dika bo monakow in akuoi dá mokopooyámai kon tangoi-Mu.”

YESAYA 23:8

Deemanbí mododagangnea mita degá inta intau mita moḷoben inta totok in ihoromat kon dunia? Ki ine in nonantú kon mopoḷabú kon Tirus, kotá inta totok in mokawasa tanaa?

YESAYA 5:21

Moboditodon in moiko inta tumangoi mobijaksana bo mopandoi totok!

YEREMIA 49:4

Ei moiko inta diá motoḷutui! Nongonu sin moiko in mopoyunggagabí in ḷopámu mita inta moḷumbá? Nongonu sin moiko in mopongatabí in kaoyúonanmu? Naondabí sin moiko in mosingogbí kon diábí in tobatúmai in intau in mokobaḻí monubu kon inimu?

YEHEZKIEL 16:49

Sodom bo ḻipúnea mita in noḷoḷatú popisí in nobayong in tongkaaḷ kaanon bo nobiagdon noodom bo nodame. Táe mosia in diá noindoimai kon intau nobogá bo noompá.

YEHEZKIEL 28:17

Batanganmu inta mogaga nokoḷoḷatú kon inimu bo kaoyúonanmu nokopopisí kon inimu notombodok. Tuamai pinomobak-Ku in iko kon butá bo binaḻí-Ku tompoingat kon datu mita ibanea.’ ”

YEHEZKIEL 28:2

“Ei intau ilo-ilow, potaaudon kon i datu in Tirus, onu inta poguman-Ku, Akuoi ki Tuhan Inta Totok in moḷantud kon inia, ‘Iḷumoḷatú totok in iko in nonganggap kon iko in dewa inta nomarenta kon yua-yuak in dagat. Motaaubí doman iko in tumon dewa, táe toropdon, iko in tongábí intau ilo-ilow.

DANIEL 11:12

Onda intua moyunggagábí in sia sin nountung bo popisí in noḻimodon kon nobayong in musung, táe kawasanea in diábí mononoi.

DANIEL 4:30

akuoi in noguman, “Indoiai, totuu motoyang in kotá in Babel! Akuoibí in noposindog kon tua nobaḻí ki iná in negara sin moponiata kon kawasa bo ropotku, koḷoḷantud bo koḷoḷobenku!”

DANIEL 4:37

Dá tanaa in akuoi, ki Nebukadnezar modayow, mopoḷantud bo mopomulia kon i Datu in Soroga. Bayongan in oaidan-Nea in moitutui bo moadil, bo Sia in mokopotungkudbí kon intau mita inta moḷoḷatú.

HOSEA 13:6

Táe naonda in moiko kon bonudon in butá mopia, poḷat nobotug nodapotdon in moiko noorop, nobaḻídon in moiko moḷoḷatú bo iḻiongdon monimu in Akuoi.

ZAKHARIA 9:3

Tirus in noposindogdon in dinding mita pogoḻingoi kon inia bo nomontuyung kon buḷawan bo saḷaka kino bayong totok dá naondadon bo pakakat biasa ná bungaion bo yoná kon daḷan.

SURAT I PAULUS KON JAMAAT RUM 12:16

Moiko in musti mobiag mototabian tobatú bo tobatú. Donaai morai kon soaḷ mita inta moḷantud. Táe raibí in soaḷ mita inta komampuan aidan. Dikabí tumekeng mopandoi in iko.

ULANGAN 8:17

Dá, dika mokoimontanmai in morai kon moikobí in noramuji takin ropotmu tontaní nodapot in moiko nobaḻí nobiag nooyúon.

TIMOTIUS 1 6:17

Ponoropdon kon intau mita inta nobiag nooyúon, bá mosia in diá dumodia bo diá mopodoyon in kobiagan monia kon barang mita inta modai-daitbí, ná kaoyúonan in dunia naa. Mosia in mustibí mopodoyon in kobiagan monia kon i Allah inta ain nobogoi in bayongan yagi-yagi kon i naton inta diádon koiapan in kobayongnea, inta pakéonmai naton muḷoi in singgai.