YEHEZKIEL 28:18 - Alkitab Singog In Mongondow Masa In Tanaa

¹⁸ Ki Tuhan in noguman, “Ei Tirus, iko in nongotor kon pooibadaanmu popisí in taḷá mita bo tombogá kon dodai in nodagang. Tuamai in tubáan-Ku in iko modapot in motondodai in butá. Bayongan in intau inta moindoi kon inimu tongádon moindoi kon ḷobud.

YEHEZKIEL 28:18 Mawu Ofanana

YESAYA 66:16

Sin bayongan in intau inta kinokadapatan kotaḷá in hukumon-Neabí in tuḷú bo pitow, bo mobayongbí in hukumon matoi.

YEHEZKIEL 28:15

Oaidmu in nosompurna pinangkoi iko binaḻí nodapot in iko nomangkoi nogaid kon moraat.

YEHEZKIEL 28:16

Iko in mosibuk in modagang, bo tuata in nodia kon inimu pamandot bo nogaid kon dosa. Dá pinoguntun-Ku in iko nongkon buḷud-Ku inta motusi, bo malaekat moḷoḷukadmu nogampoi kon inimu nongkon yua-yuak in permata inta mopouḻi-uḻinag tua.

YEHEZKIEL 28:2

“Ei intau ilo-ilow, potaaudon kon i datu in Tirus, onu inta poguman-Ku, Akuoi ki Tuhan Inta Totok in moḷantud kon inia, ‘Iḷumoḷatú totok in iko in nonganggap kon iko in dewa inta nomarenta kon yua-yuak in dagat. Motaaubí doman iko in tumon dewa, táe toropdon, iko in tongábí intau ilo-ilow.

YEHEZKIEL 5:4

Onda intua pogamá doman kon topiḻik in buok tatua, pogambatdon kon bonu in tuḷú bo biódon mako in mopokak. Nongkon tua tuḷú tatua in ḷumekep kon sinangkub in Israel.”

AMOS 1:14

Tuamai, potabá-Kubí in tuḷú kon dinding mita in kotá in Raba, bo momokak komintan kon bentengnea mita. Kon tungkuḷ intua kodongogandon in dowawá in parang, bo parang tumagabdon naonda bo deḷang.

AMOS 2:2

Tuamai, potabá-Kubí mangoi in tuḷú kon butá in Moab, bo momokak kon bayongan in benteng in Keriot. Intau in Moab in matoibí kon yua-yuak in dowawá in parang, kon tungkuḷ in torompet inirup, bo kokow in parang pinokokowdon.

AMOS 2:5

Tuamai, potabá-Kubí mangoi in tuḷú kon Yohuda bo momokak kon bayongan in benteng in Yerusalem.”

ZAKHARIA 9:4

Táe baḻíonbí i Tuhan mobiag mobogá. Bayongan in kaoyúonan in kotá tatua in ḷumbúon-Neabí kon bonu in dagat bo kotá tatua tontaní in modaitbí kaanon in tuḷú.

MALEAKHI 4:3

Kon singgai tatua Akuoi mopobayá in oaidan-Ku, bo moiko in monaḷowbí kon intau mita moraat, dá mosia in naondadon bo ḷobud mita inta irita-ritakan mako monimu.

MARKUS 8:36

Onubí in baragunanea kon intau, aka dunia naa nobaḻídon kapunyaannea, táe sia in kobuḻian in kobiagannea?

PETRUS 2 2:6

Ná doman kotá in Sodom bo Gomora: nodait i Allah sinubá in kotá mita tatua sinbá mobaḻí contoh kon onu inta mobaḻí kon intau mita inta moraat.

WAHYU 18:8

Popisí in soaḷ tatuata, dá kon bonu in tosinggai tua sia koantugan in bodito – takit, kuyang in gina, bo malarat in kaanon. Bo sia in pokakon in tuḷu. Sin mokawasabí in ki Tuhan Allah inta mohakim kon inia tua.”

HAKIM MITA 9:15

Bonganga tatua notubag, ‘Aka totu-totuubí in moiko moibog mopobaḻí kon inakó datumu, dá koḻigaidon kon siungonku. Aka doí in moiko, dá nongkon tangaku mita inta dodugian naa ḷumuaidon in tuḷú inta momokak kon bayongan pangkoi in aras kon Libanon.’ ”

HAKIM MITA 9:20

Tongá aka diá natua, dá igumon mako in nongkon i Abimelek ḷumuaidon in tuḷú inta momokak modait kon bayongan in intau inta nogutun kon Sikhem bo Bet-Milo. Bo igumon doman mako nongkon intau mita inta nogutun kon Bet-Milo in ḷumuai domandon in tuḷú inta momokak doman modait kon i Abimelek.”