YEHEZKIEL 28:16 - Alkitab Singog In Mongondow Masa In Tanaa

¹⁶ Iko in mosibuk in modagang, bo tuata in nodia kon inimu pamandot bo nogaid kon dosa. Dá pinoguntun-Ku in iko nongkon buḷud-Ku inta motusi, bo malaekat moḷoḷukadmu nogampoi kon inimu nongkon yua-yuak in permata inta mopouḻi-uḻinag tua.

YEHEZKIEL 28:16 Mawu Ofanana

KINOBAḺIAN 3:24

Onda intua, kon dotá in pomukaan kon taman tatua kon tayowon ngara tumuot, sinampat i Tuhan Allah in kerub mita, bo kedang tobatú modokot inta moburow monangkaḻibu magí mako, sin moḷukad kon daḷan mopobayá in pangkoi inta mobogoi in kobiagan tua. Natua inaidan i Allah dá diá tobatúmai intau in motaau tumuot bo dimiug kon pangkoi in kayu tatua.

KINOBAḺIAN 6:11

Táe bayongan intau ibanea komintandon moraat inontong i Allah, bo kobobiag inta moromú nobaḻídon kon bayongan in tampat.

YESAYA 22:19

Tuamai iko in pogogaion-Kudon nongkon oaidanmu bo poponag-Ku nongkon ḷoḻitúanmu inta moḷantud.

YESAYA 23:9

Ki Tuhan Inta Totok in mokawasa, Siabí inta ain nonantú tatua. Sia in nonantú kon momaḷutdon kon kaḷakuang in intaunea kon bayongan inta bungai in oaidan inta ain nouḻí monia, bo mopoompá kon intau mita inta ihoromat kon dunia.

YEHEZKIEL 28:14

Malaekat inta mokoondok sinampatmu kon tua sin moḷukad kon inimu. Iko in nogutun kon tudu in buḷud-Ku inta motusi bo minayá kon yua-yuak in batu permata inta mopouḻi-uḻinag.

YEHEZKIEL 8:17

Ki Tuhan in noguman kon inakó, “Ei intau inta ilo-ilow, inontongmu degá intua? Intau mita in Yohuda tanaa in diá moorop aka tongá mogaid kon inta mokorongó tatua bo mogaid kon inta diádon monotaau kon intau kon sinangkub in butá. Nodapotbí in inaidan monia intua komintan kon naa, kon bonu in Baḷoi-Ku bo nokodugang kon torú-Ku bui. Indoiaika naonda in mosia moningkuḻe kon i-Nakó pinongin aid inta totok in mokotor tanaa!

HOSEA 12:7

Tuamai, ei buí i Yakub, popirisayadon kon i Allahmu bo pobuidon mangoi kon i-Nia. Kobiagdon takin bayongan in tabi bo kojojujur, bo oḷatdon takin sabar modapot in ki Allahmu mogaid.

AMOS 3:9

Potaaudon in naa kon intau mita inta nogutun kon komaḻig in Mesir bo Asdod, “Poyosipundon kon buḷud mita kon diugmai in Samaria, bo indoiaidon in kotombaukan moḷoben bo pogagowan inta nobaḻí kon tua.”

OBAJA 1:3

Iko in koakaḷan in ginamu inta mododia. Ki iná in kotámu in buḷud batu inta moropot; pogogutunanmu in kon tudu in buḷud inta moḷantud. Sin kon raian monimu, ‘Ki ine in mokopoḷabú kon i nakó?’

MIKHA 2:10

Sindogdon bo bayá; kon naa in diádon moaman. Dosamu mita in nokopoangoidon kon anib inta mokokoningkim kon tudu in tampat tanaa.

MIKHA 2:2

Aka mosia moibog in gobá, yo agowon monia. Aka moibog in mosia in baḷoi tobatú, yo tuoton monia. Pinomayá kapunyaan andeka motoḷuadí, diábí in moaman.

MIKHA 6:12

Intau mita inta nooyúon kon kotámu in mondorot kon intau nobogá, bo moiko komintan in mongopopak.

HABAKUK 2:17

Iko in monaḷun kon kayu mita kon kayuon in Libanon, bo tanaa in ikodon tontaní in pupuḷon. Iko in noḻimod kon bobiagonnea mita, bo tanaa in bobiagon mita tatua in mokoondokdon kon inimu. Tua komintan in mobaḻí popisí in pinoḻimodan bo koḷoḻingá inta ain inaidanmu kon ḻipú mita, kon kotá mita bo kon intaunea mita.

HABAKUK 2:8

Iko in nogagowdon kon nobayong in bangusa, táe bangusa mita inta nokoḷagui in mogagowbí bui kon inimu, popisí in pinoḻimodan inta ain inaidanmu, bo popisí in koḷoḻingámu kon ḻipú mita, bo kon kotá mita takin intaunea mita kon tua.

ZEPANYA 1:9

Akuoi in mohukumbí kon bayongan in intau noibada naonda bo intau inta diá nonotaau kon i-Nakó, bo inta nonakow poḷat noḻimod sin momonu kon baḷoi i tuang monia takin pakakat mita inta inagow.”

YOHANES 2:16

Bo Sia in noguman kon intau mita mopopotaḷui in paḷoma, “Tokodiadon komintan nongkon naa. Dikabí baḻíon monimu pasar in Baḷoi Amá-Ku!”

WAHYU 12:9

Naga inta moḷoben tatua in pinogarab kon ḷuai! Sia tua in uḷag guranga, Ibilis in tangoinea ande Dimukud Moraat, inta monguboḷ magí-mako kon dunia naa. Sia in iḷumbú kon dunia naa takin malaekatnea mita.