YEHEZKIEL 28:12 - Alkitab Singog In Mongondow Masa In Tanaa

¹² “Ei intau ilo-ilow, amuiaidon in ki datu in Tirus. Potaaudon in onu inta poguman-Ku, Akuoi Tuhan Inta Totok in moḷantud kon inia, ‘Iko in nokoimontandon in nobaḻí lambang in kosompurnaan; dungkuḷmai iko in totuu mobijaksana bo mogaga!

YEHEZKIEL 28:12 Mawu Ofanana

KINOBAḺIAN 3:5

Ki Allah in noguman natua sin kinotaauan-Nea aka moiko mokaan kon bungainea tatua, yo raian monimu in mobukatdon; bo moiko motongkaidon i Allah bo monotaaudon kon onu inta mopia bo onu inta moraat.”

TAWARIKH 2 35:25

Ki Nabi Yeremia in nomia kon dondong amui tobatú kon i Datu Yosia. Nodapot in tanaa dondong tatua in pinaké kon Israel in intau mita mododondong, pinomayá ḷoḷaki andeka bobay, kon pinonogumatoian kon i Yosia. Dondong tatua in pinotuotdon kon bonu in pinosipunan kon dondong mita in amui.

AMSAL 21:30

Diábí in hikmat, bo pomomangaḻe andeka kobobijaksana inta mononoi kon tayowon in Tuhan.

YESAYA 10:13

Datu in Asyur mongambungangaḷ, kainia, “Tua komintan inaidanku pinongin kawasaku tontaní. Akuoi in mobijaksana bo mopandoi. Pinopatanku in sigad mita in bangusa mita, bo inagowku in tongkaaḷ monia. Naonda bo bantong akuoi in noritak kon intau mita inta nomarenta.

YESAYA 14:4

Aka ki Tuhan mopoaidon in tua yo mosia in mopoḷoḻekebí kon datu in Babel nanaa, “Datu inta moromú ain noḷabú! Sia in diá bidon motaau mondorot.

YEREMIA 9:23

Ki Tuhan in noguman, “Intau mobijaksana in diábí motaau in moyunggagá popisí in kobobijaksananea, intau moropot popisí in ropotnea, bo intau nooyúon popisí in kaoyúonannea.

YEHEZKIEL 19:1

Ki Allah in nokipodondong kon inakó in dondong oamui tanaa kon i adí ḷoḷaki i datu in Israel taya dua:

YEHEZKIEL 19:14

Pangkoi in anggur tua iḻeḻep in tuḷú; tanga bo bungainea nodait kinaan in tuḷú. Diádon in ropot in tanganea nointok; diádon motaau pomiaan tungkud in dodatuan. Tuata in oamui inta bui-buionmai in umat podondong.

YEHEZKIEL 26:17

Onda intua mosia mopodondong in dondong poḷobongan kon inimu: Norimumudon in kotá inta dinende-dendé! Bayongan in kapaḷnea sinimpat nongkon baḷangon. Intaunea mita dungkuḷmai nongawasa kon dagat nodapot in intau mita in pintad noondok.

YEHEZKIEL 27:32

Bo nopodondong in mosia in dondong poḷobongan, ‘Tirus, ki ine in koḻimonikanmu? Tirus, kon dagat kibio-biómaidon in iko.

YEHEZKIEL 28:11

Ki Tuhan in bui noguman kon inakó, kai-Nia,

YEHEZKIEL 28:15

Oaidmu in nosompurna pinangkoi iko binaḻí nodapot in iko nomangkoi nogaid kon moraat.

YEHEZKIEL 32:16

Tompoingat motogat tanaa in mobaḻí dondong kopatoian. Bobay mita nongkon bangusa mita ibanea in mopodondong intua nobaḻí tomponuot nonogumatoi kon Mesir bo bayongan in rayatnea. Akuoi, ki Tuhan Inta Totok moḷantud ain nosingog.”

YEHEZKIEL 32:2

“Ei intau ilo-ilow, potoingatdon totok kon i datu in Mesir. Potaau in koyow-Ku tanaa kon inia, ‘Iko in tumon naonda bo singa batánea kon sigad in bangusa mita, táe iko in naonda bo bangkeḻé inta mogutun mako kon tubig. Sioḷmu in mokoḷobog bo mokokotor kon bayongan in ongkag.

YEHEZKIEL 43:10

Bo ki Tuhan in noguman bui, “Ei intau ilo-ilow, potaaudon kon umat in Israel soaḷ Baḷoi-Ku tanaa, bo pokitaridiaidon in mosia kon tomayánea. Pokopooyámaidon in mosia popisí in bayongan in dosa monia.

ZAKHARIA 9:2

Hamat inta noyosigad in Hadrakh in ki Tuhan doman in kitogi, natua doman in kotá mita in Tirus bo Sidon takin bayongan kototaau in intaunea.

LUKAS 2:40

Adí tatua nodugangdon in koḷoben bo koropot-Nea. Sia mobijaksana totok bo totok doman kinotabi i Allah.

OUMAN IN RASUL MITA 6:3

Dá, maníka ki utat mita in momiḻí kon pitu in intau inta kon sigad monimu, intau mopia bo inta kinawasa in Roho i Allah, mobijaksana bo inta motaau pirisayaanmai monoinut kon soaḷ mita tanaa;

SURAT I PAULUS KON JAMAAT RUM 15:28

Aka mopaḷutkudon in oaidan tanaa bo posarakankudon kon i monia inta kon Yerusalem in totuḷung inta ain sinipunku tua, dá akuoi in mayádon in Spanyol bo mongin kotámu.

KORINTUS 1 3:19

Sin kabijaksanaan in intau kon dunia naa diábí in baraguna kon i Allah. Kon bonu in Buk Motusi in pinais nanaa, “Ki Allah in mojebak kon intau mita inta mongobijaksana podudui in pandoinea tontaní.”

KORINTUS 2 1:22

Tuamai totu-totuu bidon binaḻí-Nea umat-Nea in kita poḷat inogoian-Nea in Roho, pinogonú kon gina naton saḷaku jaminan kon totu-totuubí ogoi-Nea onu inta ain pinodandi-Nea.

KOLOSE 1:9

Manangka intua umurandon sambayangan nami in moiko naonda in kinodongogandon nami in habar soaḷ moiko. Kami in mopoigum kon i Allah sinbá moiko in mobijaksana bo mopandoi popisí in kawasa in Roho i Tuhan, sahingga in kotaauandon totok monimu onu in kinoibog i Allah.

KOLOSE 2:3

Ki Kristusbí tua in mobuká kon bayongan pandoi bo pongotahuan i Allah inta koḻipod noibunipa.