YEHEZKIEL 27:30 - Alkitab Singog In Mongondow Masa In Tanaa

³⁰ Inombaḷan monia in ukurmu, nokuani bo nogamui totok. Mosia in nopoinggú in ḷobud kon uḷu. Bo nonangkuḻitod kon bonu in ḷobud tomponuot in togumatoi.

YEHEZKIEL 27:30 Mawu Ofanana

SAMUEL 2 1:2

Kon singgai nogintoḷu, namangoidon in tayowmobiag tobatú nongkon pinononḷoḷaigan i Saul. Nobaḻí tomponuot kon pinonogumatoian sia in nomerakdon kon pakeangnea bo nopotoguḷudon in butá in sia. Minayá in sia kon i Daud bo sinumungkud kon tayowonnea.

AYUB 2:12

Táe naonda in inontong monia nongkon noyayú, gogió bo diádon kinotaauan monia. Mosia in nongombaḷ noropot bo nomerak kon ḷambung monia poḷat noponabud in ḷobud kon toḷungayá bo kon uḷu.

AYUB 2:8

Bo ki Ayub iḻimitú kon diug in yoyatan, bo nogamá kon bonsig in posilag sin pongukud kon awaknea.

AYUB 42:6

Tuamai in mooyá in akuoi monorop kon bayongan in tosingogonku bo takin momanasaḷ akuoi in ḻimitú kon butá bo ḷobud.”

YEREMIA 25:34

Ei itoi mita, ei gombala mita in umat i Tuhan! Pongombaḷdon koropot! Ponangkuḻitodon kon ḷobud, sin noiangoidon in wakutunea ḻimodon in moiko, bo inta mokoḷagui in porariton. Moiko in nádon kuyon koboḻi inta noḷabú bo noḷosi.

YEREMIA 6:26

Ki Tuhan in noguman kon umat-Nea, “Pakédon in daing karong bo ponangkuḻitodon kon ḷobud. Ponogumatoidon bo pogamuidon takin roriga in gina naonda bo intau inta nongombaḷ sin kinopatoian i adínea tuḷong, sin momomutú in daḻídon monubu kon i monimu.”

OMBAḶ 2:10

Guhanga mita in kotá iḻimitú kon butá bo kibio-biómai; mosia in nopoinggú in ḷobud kon uḷu, bo nomaké in kaeng karong nobaḻí tomponuot kon pinonogumatoian. Mongodeaga mita in kinumuyung nodapot in butá.

YEHEZKIEL 26:17

Onda intua mosia mopodondong in dondong poḷobongan kon inimu: Norimumudon in kotá inta dinende-dendé! Bayongan in kapaḷnea sinimpat nongkon baḷangon. Intaunea mita dungkuḷmai nongawasa kon dagat nodapot in intau mita in pintad noondok.

YUNUS 3:6

Kon tungkuḷ in datu in Niniwe nokodongog kon habar tatua, ḷagi in sia noponag nongkon ḷoḻitúan pomomarentaannea. Iḷongkutnea in jubah in dodatuannea bo noḷutud kon kaeng karong, bo iḻimitúdon in sia kon tudu in ḷobud.

MIKHA 1:10

Dikadon potaau kon musung mita naton inta kon Gat in onu inta noiantug kon i naton; dika mopomayá mako kon i monia moindoi kon i monimu mongombaḷ. Ei intau in Bet-Le-Apra, ponangkuḻitodon kon bonu in ḷobud saḷaku tomponuot kon kinodaitandon in kamang!

SAMUEL 1 4:12

Intau tobatú nongkon suku Benyamin noḷagui nongkon tampat pinoparangan kon Silo, bo noidapot intua kon singgaipa doman tatua. Nobaḻí tomponuot kon nonogumatoi, binerakneadon in pakeangnea bo nopongipúdon in sia in butá kon uḷu.