YEHEZKIEL 27:27 - Alkitab Singog In Mongondow Masa In Tanaa

²⁷ Bayongan in pakakat dagangan inta dinatogmu, komintan in ḷumoḷeag takin intaumu mita, bayongan in mogogimok bo mopopotaḷuimu, pomuḷoi in tontara kon kapaḷ tatua, mosia in komintan nobuḻi noḷomot kon tungkuḷ in noitaḷom in iko.

YEHEZKIEL 27:27 Mawu Ofanana

AMSAL 11:4

Aka tumayowdon kon popatoi, yo kapunyaan in diá bidon in mangaḻenea; mosaḷamatbí in iko aka motuḻid in ginamu.

YEHEZKIEL 26:1

Kon singgai imitánea kon buḷan inta sinantú kon bonu in taong impuḷú bo mitánea kon pinoḷumbúan kon inami, ki Tuhan in noguman kon inakó, kai-Nia,

YEHEZKIEL 26:12

Musungmu mita tatua in mogagowbí kon bayongan in kaoyúonan bo daganganmu. Mosia in morumbunbí kon dindingmu mita bo mogumpag kon baḷoimu mita inta mogaga totok. Gamáanbí monia in batunea mita, dopí mita bo butánea, bodongka pogambat kon bonu in dagat.

YEHEZKIEL 26:14

Taḷaan-Ku in dongka bidon batu noḷogat, pogogiladan kon landará in mododomok mita kon toyá. Kotá tatua in diá bidon posindogon bui. Akuoi ki Tuhan Inta Totok in moḷantud ain nosingog.”

YEHEZKIEL 26:21

Iko in baḻíon-Ku contoh inta mokokoningkim, bo tuata in imbuit in ouman kon inimu. Intau mita in motayakbí kon inimu, táe diábí mouḻí in iko. Akuoi ki Tuhan Inta Totok in moḷantud ain nosingog.”

YEHEZKIEL 27:12

Iko in nopotaḷui in pakakat mita in daganganmu inta mobayong totok tua kon Spanyol, bo inta nobaḻí uboḻinea kon inimu in saḷaka, uatoi, tangat mobudó bo tangat morondí.

YEHEZKIEL 27:22

Popisí in motaḷui kon pakakatmu mita dá mododagang nongkon Syeba bo Raema nodia kon permata mita, buḷawan bo toyokayu mita inta totok in mongopia.

YEHEZKIEL 27:24

Mosia in nopotaḷui kon inimu in pakeang mita inta totok in mongopia, kaeng nokamumu, kaeng sinomboréan, permadani mita inta norupa-rupamai in batangannea, bo tontogot mita inta morigon.

YEHEZKIEL 27:26

Mobobotoi mita nodia kon inimu minayá in baḷangon. Iko in dinumpak in tompot in pomukaan inta nondangat.

YEHEZKIEL 27:28

Moḷoḷeagmu mita in kinumarak popisí in noondok karaknea in kodongogan kon pintad mita in dagat.

YEHEZKIEL 27:34

Tanaa noitaḷomdon in iko, norimumud kon apad in dagat. Bayongan in intaumu bo bayongan in datog nobuḻi noyotakinmu kon yuak in dagat.’

YEHEZKIEL 28:1

Ki Tuhan in noguman kon inakó,

YEHEZKIEL 28:8

Iko in ḻimodonbí bo ḷobongon kon bonu in dagat.

AMOS 1:9

Ki Tuhan in noguman, “Intau in Tirus ain nopobui-buimai in binaradosa, tuamai in notantú bidon kon hukumon-Ku in mosia. Mosia in nogakutdon nodait kon bangusa tobatú komintan pinobayá in pinoḷumbúan, bo nobogoi kon Edom; mosia in iḻimimpatdon kon dodandian yoyobayatan.

ZAKHARIA 9:3

Tirus in noposindogdon in dinding mita pogoḻingoi kon inia bo nomontuyung kon buḷawan bo saḷaka kino bayong totok dá naondadon bo pakakat biasa ná bungaion bo yoná kon daḷan.