YEHEZKIEL 27:20 - Alkitab Singog In Mongondow Masa In Tanaa

²⁰ Intau in Dedan noguboḻi kon pakakatmu mita nomaké in kaeng mita in sabarak.

YEHEZKIEL 27:20 Mawu Ofanana

KINOBAḺIAN 10:7

Buí i Kus tua in intau mita inta nogutun kon Seba, Hawila, Sabta, Raema bo Sabtekha. Buí i Raema in intau mita inta nogutun kon butá in Syeba bo Dedan.

KINOBAḺIAN 25:3

Ki Yoksan ki amá i Syeba bo i Dedan, bo buí i Dedan tuata in intau mita in Asyur, intau Letus, bo intau Leum.

YEHEZKIEL 25:13

Tuamai in potaau-Kudon kon Akuoi in mohukumbí kon Edom bo moḻimod kon bayongan in intau bo mahaḷuk kon tua. Sinangkub in butá tatua, nongkon kotá in Téman modapot kon kotá in Dedan, baḻíon-Ku moingongow totok; rayatnea in matoi kon poparangan.

YEHEZKIEL 27:15

Intau in Rodus nodagang doman takinmu bo intau mita inta nogutun kon pintad in notaḷui kon pakakat mita inta pinotaḷuimu takin uwaḷa bo kayu moyondí.

YEHEZKIEL 38:13

Intau mita in Syeba bo Dedan takin mododagang mita kon kotá mita kon butá in Spanyol in moḻibóbí nanaa kon inimu, ‘Degá tongganutanmu in tontaramu tongá makusud mogagow bo mogamá poḷat modia kon buḷawan, saḷaka, bobiagon bo kapunyaan mita, poḷat mogakut kon tua komintan?’ ”