YEHEZKIEL 27:18 - Alkitab Singog In Mongondow Masa In Tanaa

^18-19 Intau in Damsyik in notaḷui kon pakakat pinodagangmu bo inta nouḻímu mita bo inuboḻian monia in anggur nongkon Helbon, bubuḷ in domba nongkon Sahar, uatoi bo toyokayu mita.

YEHEZKIEL 27:18 Mawu Ofanana

KINOBAḺIAN 14:15

Kon tua ki Abram nopoyosilai in intaunea mita kinolo-kolompó, bo dongka nonubu kon musung kon dodai in doḷom bo nonaḷow kon i monia. Sia in nogaḷow kon i monia nodapot kon Hoba kon dotá in utuan kotá in Damsyik.

KINOBAḺIAN 15:2

Táe ki Abram in noguman, “Tuhan Inta Totok in Moḷantud, ki Tuhan diá nobogoi in adí kon inakó. Intau inta mogabat kon kapunyaanku tongábí ki Eleazer, bobantungku inta nongkon Damsyik. Dá onubí in mangaḻenea ki Tuhan mobogoi kon inakó in tondan pinogaidanku?”

YESAYA 7:8

sin Siria in diábí moropo-ropot nongkon Damsyik iná in kotánea, bo Damsyik in diábí moropo-ropot nongkon i Datu Rezin. Umpaka kon bonu in onom nopuḷú bo ḻima notaong, Israel in mosila-silaibí modapot in diádon monahang saḷaku bangusa.

YEREMIA 49:23

Naa in pinoguman i Tuhan soaḷ Damsyik. “Intau inta nogutun kon kotá in Hamat bo Arpad in mogagawang bo moḻia-ḻiaw in gina popisí in nokodongog kon habar diá mopia. Gina monia in moondok bo moitoḻimayang mako naonda bo bokoḷ in dagat.

YEHEZKIEL 27:33

Kon tungkuḷ in baḷangon iḷoḷananmu takin nopuḻing in datog, dinatoganmu in inta pakéon in bangusa mita, nodapot in datu mita binaḻímu nooyúon.

OUMAN IN RASUL MITA 9:2

bo noigum kon surat kawasa kon inia sin diaannea kon majelis mita in Yahudi inta kon Damsyik, sinbá aka sia in mokodungkuḷ kon intau mita kon tua inta mopirisaya kon i Tuhan Yesus, yo sia in motaau modomok kon i monia bo diaan pobayá in Yerusalem.