YEHEZKIEL 27:17 - Alkitab Singog In Mongondow Masa In Tanaa

¹⁷ Yohuda bo Israel in noponoḻiu in pakakat daganganmu in gandum, biluk, ḷana in zaitun bo toyokayu mita.

YEHEZKIEL 27:17 Mawu Ofanana

KINOBAḺIAN 43:11

Dá ki amá monia in noguman, “Aka totuu kon natuabí, dá podiadon kon boyó inta totok in mopira kon butá naton naa, bonudon kon karong monimu baḻíon tombuinag kon i gubernur tatua: Taḷong, biluk, pododungú mita, bungai in boyaau bo bungai in badam.

DATU MITA IMITÁNEA 5:9

Intauku mita in modiabí kon kayu tatua mosiḻig nongkon Libanon mopobayá in dagat. Bain kon tua bo pangkoi mita in kayu tatua togoton monia tonggakiton bo iḻigon monia pongin dagat pobayá in tampat inta koibog i Tuang. Kon tua in gakit mita tatua kokaion bo ogoi kon intau mita i Tuang sin pogaid moiduduimai. Nongkon i Tuang, poigumonku sinbá ki Tuang moposadiadon in kokaanon kon intau mita inta kon komaḻigku.”

TAWARIKH 2 2:10

Bo mobaḻí tongkaaḷ kon intau mita i Tuang tua in pokidiakudon mangoi kon i Tuang in gandum inta doyowa norupa, kon batúannea in tumongo 2.000 noton, anggur in 400.000 noliter bo ḷana in zaitun in 400.000 noliter.”

EZRA 3:7

Rayat in nobogoidon in doit sin ponondan kon bas mita in batu bo mogogimok mita kon kayu. Mosia in nokidia doman in kaanon, oinumon bo ḷana in zaitun kon kotá mita in Tirus bo Sidon sin ponoḻiu kon kayu ḷokuyú in Libanon nongkon kotá mita tatua. Kayu tatua in dinia kon Yapo pinongin dagat. Tua komintan inaidan in rayat pinodoyon kon parenta i Kores, datu in Persia.

YEREMIA 8:22

Onu degá in nokopopisí nodapot in bangusaku nodapot in tanaa mako diápa doman nopia? Degá kon sinangkub in Gilead, Diá in dokter andeka undam?

OUMAN IN RASUL MITA 12:20

Ki Herodes in totokdon sinumorú kon intau mita in Tirus bo Sidon. Manangka intua mosia in noyotakin minayá kon tayowonnea. Muna in mosia nodondouḷug kon i Blastus, inta nobaḻí itoi kon komaḻig i Herodes, dá sinuḷungannea in mosia. Onda intua minayá in mosia kon i Herodes bo nopoigum sinbá moyodamedon, sin kaanon intau mita kon ḻipú monia in tongábí mouḻí nongkon butá inta kon bonu in kawasa i Herodes.

ULANGAN 32:14

Sapi bo bembé domba monia mobogoi in susu inta mobarong; bobiagon monia totok in mongopia, gandum bo tubig in anggur monia in totok mopia.

ULANGAN 8:8

Butá tatua nobogoi in noyagi-yagimai in gandum, anggur, bungai in ara, bungai in delima, pangkoi in zaitun bo biluk.

HAKIM MITA 11:33

Ki Yepta nonubu kon i monia inimibo-ibog nongkon Aroër nodapot kon butá kon diugmai in Minit – tua komintan in doyowa nopuḷú in kotá – bo nodapot in Abel-Keramim. Nobayong totok in intau in Amon in minatoi, dá sinaḷowdon in intau in Israel in mosia.