YEHEZKIEL 27:16 - Alkitab Singog In Mongondow Masa In Tanaa

¹⁶ Mododagang mita nongkon Siria in notaḷui kon pakakat mita inta pinotaḷuimu bo inta nongouḻímu mita inta mobayong tua. Inuboḻian monia in permata nongkon batu zamrud, kaeng nokamumu, kaeng sinujian, linen moaḷus, permata nongkon batu koral bo batu nopura delima.

YEHEZKIEL 27:16 Mawu Ofanana

KINOBAḺIAN 10:22

Ki adí mita i Sem in ki Elam, ki Asyur, ki Arpakhsad, ki Lud bo ki Aram.

KINOBAḺIAN 28:5

Natuata inaidan i Ishak kon tungkuḷ in sia nopotabádon kon i Ishak minayá in Mesopotamia, kon i Laban, ki adí i Betuel intau in Aram tua. Ki Laban naa in ki guya-guyang i Ribka inta ki iná i Yakub bo i Esau.

SAMUEL 2 10:6

Onda intua intau in Amon nosadardon kon aid monia tua in nokopomukádon kon saturu i Daud kon i monia. Tuamai in nonondan in mosia kon 20.000 in tontara in Siria inta nogutun kon Bet-Rehob bo Zoba, bo 12.000 in tontara nongkon Tob, takin datu in butá in Maakha bo intaunea 1.000.

SAMUEL 2 15:8

Sin kon dodai in akuoi nogutunpa kon Gesur butá in Siria, nodandi in akuoi kon mayá moibada kon i Tuhan kon Hebron aka ogoi-Nea in akuoi mobui kon Yerusalem.”

SAMUEL 2 8:5

Intau in Siria nongkon Damsyik nopotabá mangoi in tontara sin motuḷung kon i Datu Hadadezer. Táe sinaḷow i Daud in mosia poḷat noḻimod kon 22.000 in intau nongkon i monia.

YEHEZKIEL 16:10

Onda intua iḷutudan-Kudon in ḷambung inta sinomboréan, sapatu kuḻit inta mopia, bandow nongkon kaeng linen bo jubah sutra.

YEHEZKIEL 16:13

Natuata iko iḷambáan in buḷawan bo saḷaka; pakeangmu pinomia nongkon kaeng linen bo sutra sinomboréan. Motaaubí in iko mokaan kon roti pinomia nongkon torigu inta totok in mopia, takin biluk bo ḷana in zaitun. Koḷunatmu noiḷontúdon totok bo iko in nobaḻídon bokí.

YEHEZKIEL 16:18

Pinakéanmu in patong mita tatua in pakéan sinomboréan inta inogoi-Ku kon inimu. Pinosumbamu kon i monia in ḷana zaitun bo dupa inta inabatanmu nongkon i-Nakó.

YEHEZKIEL 16:57

bo aidmu moraat diápa kinotaauan? Tanaa in notongkaineadon in iko; iko in kosinganmaidon in intau in Edom, in intau in Pilistin bo in topodiugmumai mita ibanea inta moyaat in gina kon inimu.

YEHEZKIEL 28:13

Pogogutunanmu in kon Eden, taman i Allah. Pakeangmu iḷambáan in noyagi-yagimai in permata: batu delima bo intan, topas, batu pirus, batu yakut, ratna, cempaka, batu nilam, zamrud bo batu alkali nopura. Ḷambá buḷawanmu in mobayong doman. Pakakat mita tatua in pinomia kon inimu kon singgai iko binaḻí.

HAKIM MITA 10:6

Umat in Israel buidon nomia kon dosa kon i Tuhan. Mosia in diádon noindoimai kon i Tuhan bo doí domandon nosumba kon i Tuhan. Mosia in nosumbadon kon dewa mita i Baal bo Asytoret, bo dewa doman in bangusa in Siria, Sidon, Moab, Amon bo Pilistin.