YEHEZKIEL 25:4 - Alkitab Singog In Mongondow Masa In Tanaa

⁴ Tuamai in pomayá-Kudon mako in moiko in taḷowon in suku mita in bangusa nongkon rawang in Pomukaan. Mosia in moposindogbí in ḷoḷaigan mita kon butámu bo mogutun motantú kon tua. Mosia in mokaanbí kon bungai in pinomuḷamu bo monginum kon susu in bobiagonmu.

YEHEZKIEL 25:4 Mawu Ofanana

KINOBAḺIAN 29:1

Ki Yakub nogingguput kon bobayánea bo minayá in butá inta kon dotá in pomukaan kon Kanaan.

SAMUEL 2 12:26

Kon dodai intua ki Yoab umuranpa noparang nonayow kon Raba ibukotá in Amon, bo motoyongdon mokoagow kon tua.

DATU MITA IMITÁNEA 4:30

Kon butá mita kon dotá in pomukaan bo kon Mesir diábí in intau inta mopando-pandoi kon inia.

YESAYA 1:7

Ḻipúmu ain iyompat; kotámu mita in nodaitdon sinurub. Koonto-ontongmu in intau ango-angoi mogamá kon butámu bo morimumud kon bayongan yagi-yagi.

YESAYA 41:2

Ki ine in nopotabá kon pongawasa nongkon dotá pomukaan, bo nobogoi kon inia in kauntungan noyo-noyodudui? Ki ine in nomaḻí kon inia nonaḷow kon bangusa mita, bo nopotungkud in datu mita kon inia? Pitownea nomaḻí kon i monia noirarit naonda bo ḷobud, piotnea nopotabud kon i monia naonda bo wawa inirup in tompot.

OMBAḶ 1:14

Ginamá-Nea in bayongan in dosaku, bo binogotnea sinobatú, bo pinopoboboḷnea kon sigogowku, dá kobogatnea in nokoḷungkoyó kon inakó. Akuoi in inogoi i Tuhan kon saturuku; diá mokopongonu in akuoi kon i monia tua.

YEHEZKIEL 25:10

Pomayá-Kubí in suku mita in bangusa nongkon rawang pomukaan in monaḷow kon Moab takin butá in Amon, dá Moab in diádon mobaḻí bangusa tobatú.

IMAMAT 26:16

yo hukumon-Ku in moiko. Popoangoi-Ku in bodito kon i monimu, mogobu bo mopatú inta diá koundaman, modapot in matamu mobilogdon bo kobobiag monimu in diádon mosanangmai. Moiko in monompinomuḷabí táe diábí moikaan kon bungainea, sin musungmu mita in momangoi bo monaḷow kon i monimu bo mogagow komintan kon onu inta pinomuḷa monimu.

PINOGIAPAN 23:7

Bo ki Bileam nopotaau kon onu inta mobaḻí naa, “Nongkon Aram, buḷud kon pomukaan tatua, ki Balak, datu in Moab mogoiní kon inakó, kainia, ‘Angoipa, posingogpa kon inakó. Kutukpa in bangusa Israel tatua!’

ULANGAN 28:33

Bangusa ango-angoi in mogamádon kon bayongan bungai in boyómu inta nouḻí monimu takin iyumoyiga in nogaid, táe moiko tontaní in diábí mokouḻí kon onu bo onu koḻikudbí in umuran tonggataan bo popoaidan monia in aid moraat.

ULANGAN 28:51

Mosia in mokopodaitbímai kon bobiagon bo bungai in boyómu, bo diábí tonggagatan monia in gandum in moiko, tubig in anggur, ḷana in zaitun ande sapi bo bembé dombamu modapot in moiko matoi in gogoy.

HAKIM MITA 6:33

Kon tungkuḷ intua bayongan in intau in Midian, Amalek bo suku mita in bangusa ibanea kon padang gurun inta kon dotá in pomukaan kon Yordan noyosipundon. Mosia in iḷumoḷan kon Ongkag in Yordan, bo nononḷoḷaigan kon Ḷopá in Yizreel.

HAKIM MITA 7:12

Intau in Midian, Amalek bo intau mita ibanea nongkon padang gurun, noibaya-bayádon mako kon ḷopá tatua. Koontongan in nádon onda bo pangkoḷá inta noyosipun. Unta mita monia mobarong totok naonda bo bungaion kon pintad.

HAKIM MITA 8:10

Kon dodai intua ki Zebah bo ki Salmuna takin bayongan in tontara monia kon Karkordon. Nongkon bayongan in tontara in intau mita kon padang gurun, dongkadon degá 15.000 in intau in kiagatnea; 120.000 in tontaranea in minatoidon.