YEHEZKIEL 25:12 - Alkitab Singog In Mongondow Masa In Tanaa

¹² Ki Tuhan Inta Totok in moḷantud in noguman, “Bangusa in Edom ain nogaid kon taḷá moḷoben popisí in noḻingádon kon Yohuda, saḷaku aid motuḻí kon yaat in gina.

YEHEZKIEL 25:12 Mawu Ofanana

MAZMUR 137:7

O Tuhan, toropdon in aid mita in intau in Edom kon tungkuḷ in Yerusalem iyompat. Mosia in noguman, “Umpagdon, umpagdon dapot in apadnea mita!”

YESAYA 21:11

Naa in koyow kon Edom. Oyúon in intau in momaḷú kon i-Nakó nongkon Edom, “Ei, moḷoḷukad, moonggotpa degá in doḷom tanaa? Tongonupa nojam bo mobayag?”

YESAYA 34:5

Ki Tuhan ain nosadia kon pitow-Nea kon soroga, bo tanaa pitow tatua in moiantug kon bangusa in Edom inta ain pinopoḷabúan in hukuman bo yopúondon.

YESAYA 63:1

“Ki ine in sia inta namangoi nongkon Bozra kon Edom? Ḷambungnea in nopura, pakeangnea in mopouḻi-uḻinag; sia in ḷumampang takin motorindog mako.” “Akuoibí in ki Tuhan inta mokoposaḷamat bo mamangoi modia kon habar kountungan.”

YEHEZKIEL 25:11

Hukumon-Kubí in Moab, dá kotaauandon monia kon Akuoibí in ki Tuhan.”

YEHEZKIEL 25:15

Ki Tuhan Inta Totok in moḷantud in noguman, “Intau mita in Pilistin ain notuḻí kon yaat in gina takin noḻingá kon musung mita monia bo noyopú kon i monia takin sakí in gina.

YEHEZKIEL 25:8

Ki Tuhan Inta Totok in moḷantud in noguman, “Moab in noguman kon Yohuda tua in notongkai in bangusa mita ibanea.

YEHEZKIEL 32:29

Edom in kon tua takin bayongan in datu bo mongongawasanea. Dungkuḷmai mosia in tontara mita inta mongoropot, táe tanaa mosia in noiboḻingkayang kon dunia in intau minatoi noyotakin in intau mita minatoi ibanea inta diá nonotaau kon i Allah.

OBAJA 1:1

Naa in toḷanow i Obaja; sia nopoyaput in koyow i Tuhan Inta Totok in moḷantud soaḷ bangusa in Edom: Ki Tuhan ain nopotabá in totabá-Nea namangoi in bangusa mita, bo kita in nokodongogdon kon koyow mita inta dinianea noiduduimai naa, “Posadiadon moparang! Igai mayá in kita monubu kon Edom.”