YEHEZKIEL 25:1 - Alkitab Singog In Mongondow Masa In Tanaa

¹ Ki Tuhan in noguman kon inakó,

YEHEZKIEL 25:1 Mawu Ofanana

NEHEMIA 13:1

Kon dodai in hukum i Musa binaca kon rayat, nouḻídon in katarangan tanaa: ‘Intau in Amon bo Moab in diábí motaau in dumugang kon umat i Allah;

YEREMIA 12:14

Ki Tuhan in noguman, “Naa in koyow-Ku soaḷ negara mita topodiugmai in Israel inta ain nomoguyaat kon butá inta inogoi-Ku kon umat-Ku Israel. Naonda bo pinomuḷa inta irabut nongkon butá, natuata in intau mita moraat tatua in poḷuaion-Ku nongkon butá mita monia, bo Yohuda in poḷuaton-Ku nongkon kawasa monia.

YEREMIA 27:3

Sia in nopotabá doman kon inakó nopotaau in koyow-Nea kon i datu mita in Edom, Moab, Amon, Tirus bo Sidon, takin pinotonsigad kon totabá mita monia inta ain namangoi in Yerusalem sin mokipodungkuḷ kon i Datu Zedekia.

YEREMIA 49:1

Naa inta pinoguman i Tuhan soaḷ Amon, “Nongonu sin butá in suku Gad in inagowbí bo iḻitúan in intau mita inta nosumba kon i Dewa Milkom? Eta degá diádon in intau in Israel inta mokoḷukad kon butá tatua?

OMBAḶ 1:21

O, Tuhan! Indongogaipa kaasí in ombaḷku, diábí in moḻipoi kon inakó. Mopia in gina in musungku mita sin pinopobodito-Mu in akuoi. Angoidon in singgai inta pinodandi-Mu tua; baḻídon in mosia mororiga ná akuoi.

YEHEZKIEL 24:27

Kon singgai doman tatuata iko in mokosingogdon bui bo diádon mobobó. Bo iko in moyosingogdon in intau tatua. Natuata iko in mobaḻídon tomponuot kon i monia; dá kotaauandon monia kon Akuoibí in ki Tuhan.”

YEHEZKIEL 25:2

“Ei intau ilo-ilow, kutukdon in butá in Amon.

YEHEZKIEL 28:26

Mosia in mobiagbí moodom kon tua bo moposindog in baḷoi mita bo mononggobá poḷat momuḷa kon anggur. Akuoi in mohukumbí kon bayongan in topodiug monia inta ain noningkuḻe kon i monia, dá Israel in moodomdon. Dá kotaauandon monia kon Akuoibí in ki Tuhan Allah monia.”

YEHEZKIEL 32:29

Edom in kon tua takin bayongan in datu bo mongongawasanea. Dungkuḷmai mosia in tontara mita inta mongoropot, táe tanaa mosia in noiboḻingkayang kon dunia in intau minatoi noyotakin in intau mita minatoi ibanea inta diá nonotaau kon i Allah.

YEHEZKIEL 36:7

Akuoi, ki Tuhan Inta Totok in moḷantud in mongibot kon bangusa mita inta kon diugmu tua in singkuḻeonbí doman.

YOËL 3:19

Mesir in mobaḻídon buḷud inta mobota-botak, bo Edom in mobaḻídon moḷogat, diá bidon pogutunan in intau. Popisí in mosia in nonubudon kon intau in Yohuda, bo noḻimod kon intau kon butá tatua inta diá in taḷánea.

AMOS 1:13

Ki Tuhan in noguman, “Bangusa in Amon in nopobui-buimaidon binaradosa, tuamai in notantú bidon kon hukumon-Ku in mosia. Kon tungkuḷ in noparang sin moginoḷad kon butánea, mosia in nomotak kon sian in bobay mita sidia kon Gilead.

HABAKUK 1:17

Dá umpaka yo mosia in umuranbí mopotaan mako in kedangnea bo moḻimod kon bangusa mita, takin diábí in ampung?

ZEPANYA 2:8

Ki Tuhan Inta Totok in mokawasa in noguman, “Dinongog-Kudon in bangusa mita in Moab bo Amon noningkuḻe bo nongempeng kon umat-Ku. Mosia in umambungangaḷ kon mogagow kon butá in umat-Ku.

ZEPANYA 2:9

Podoyon kon i-Nakó inta nobiag, ki Allah in bangusa in Israel, Akuoi in moyompatbí kon bayongan in Moab bo Amon naonda bo Sodom bo Gomora. Butá mita tatua in mopuḻingbí in ḻimbuong mita in simuton bo apug mita inta mononoi inta kinobiagandon in bo bonganga. Kiagat in umat-Ku inta nokoḷagui in mogagowbí kon intau inta nogutun kon tua, bo mogagow kon butá monia.”