YEHEZKIEL 24:25 - Alkitab Singog In Mongondow Masa In Tanaa

²⁵ Ki Tuhan in noguman kon inakó, “Yo, intau ilo-ilow, gamáan-Kudon nongkon i monia in Baḷoi-Ku inta morigon tua, inta mokoyunggagá bo mokosanang kon gina monia, bo inta indoianmai monia bo bayáan monia kinooibogbí in gina. Bo gamáan-Kubí doman in ki adí mita monia.

YEHEZKIEL 24:25 Mawu Ofanana

MAZMUR 48:2

Totuubí moḷantud in ki Tuhan bo totok in dinayow kon kotá i Allah naton, kon tombuḷud inta motusi.

MAZMUR 50:2

Nongkon Sion, kotá inta totok in mogaga, Ki Allah in noitukat takin nonindar.

YEREMIA 11:22

Tuamai, ki Tuhan Inta Totok in mokawasa in noguman, “Akuoi in mohukumbí kon i monia! Intau mita moguod monia in matoibí kon parang, adí mita monia in matoibí in gogoy.

YEREMIA 52:10

Kon kotá doman tatua ki adínea mita in iḻimod doman kon tayowonnea, bo bayongan in pojabat pomarenta in Yohuda in iḻimod doman.

YEREMIA 7:4

Dikabí mopirisaya kon intau mouboḷ inta moguman, ‘Kita in noaman, sin naa in Baḷoi Tuhan. Totuu kon naa in Baḷoi Tuhan!’

OMBAḶ 2:4

Naonda bo musung, Sia in nomadang kon puḷu in piot-Nea bo pinopotayow-Nea kon i naton in piot-Nea. Bayongan in intau inta nokosanang kon gina naton, nodait iḻimod-Nea. Sia in noporoput in torú-Nea naonda bo tuḷú kon bonu in kotá in Yerusalem tanaa.

YEHEZKIEL 24:21

mopotaau in koyow tanaa kon i monimu: Moiko in mopongata in ropot in Baḷoi Tuhan. Moibog in moiko moindoi bo mayá intua, táe ki Tuhan in mopokotorbí in Baḷoi-Nea. Bo tombonu in motoḷuadímu inta nongobagupa, inta kinotaḷáan kon Yerusalem, in ḻimodon kon poparangan.

YEHEZKIEL 33:22

Kon dodai in doḷom kon tungkuḷ in sia namangoi, kawasa i Tuhan namangoidon kon inakó. Dá kon dodai in intau tatua namangoi kon inakó, nokosingogdon in akuoi diádon nobobó.

ULANGAN 28:32

Kon tayowon matamu adímu mita in ogoi mobaḻí ata kon intau ango-angoi. Pomuḷoi in singgai matamu mopomporí in motayak kon i adímu mita, táe diábí in mangaḻenea, sin mosia in diábí mobui mangoi.