YEHEZKIEL 24:23 - Alkitab Singog In Mongondow Masa In Tanaa

²³ Moiko in diábí mayá takin diá mogikoḷubung andeka diá in aip in sioḷ, diábí mogamui andeka mongombaḷ. Modugangbí mororiga in moiko popisí in dosamu mita; moiko in mosiamuianbí.

YEHEZKIEL 24:23 Mawu Ofanana

SAMUEL 2 15:30

Nopaḷut mako kon tua ki Daud in noḷongkut kon sapatunea. Sia takin bayongan in dumoduduinea notakod kon Buḷud in Zaitun sindaḷan mongombaḷ poḷat nongoḷubung saḷaku tomponuot in monogumatoi.

AYUB 27:15

Ginaḷumnea inta mobiagpa, in matoi popisí in yampoi, bo diábí ombaḷan i baḷunea mita in mosia.

MAZMUR 107:17

Oyúon in dondunguḷ bo nororiga popisí in dosa mita monia, bo iroriga popisí in taḷá monia.

MAZMUR 78:64

Imang mita monia iḻimod in kedang, boba-bobay mita monia diá mokopogamui.

YESAYA 20:2

Toḷu notaong noiuna, ki Tuhan nopotabá kon i Yesaya ki adí i Amos noḷongkut kon aip in sioḷ bo daing tuḷok inta pinakénea. Sia in dinumudui bo minayá nomilang bo diá nomaké in aip in sioḷ.

YESAYA 59:11

Kami in inangoian in ondok bo morobonoḷ in dodob; kami in motayak kon inta moadil, táe diá onda; kami in moharap kon kasaḷamatan táe diá in mangaḻenea.

YEREMIA 13:18

Ki Tuhan in noguman kon inakó, “Potabá in datu bo ki inánea moponag nongkon pomomarentaannea, sin mahkotanea inta mopia in noḷabúdon kon uḷunea.

OMBAḶ 4:9

Mororiga in mosia bo koonggot-koonggot matoidon, popisí in beresidon diá in kaanon; inta matoi kon poparangan, in mopia-pia kon inta matoi in gogoy.

YEHEZKIEL 24:22

Bo moiko in momia kon ná inta inaidanku tanaa. Moiko in diábí mogoḻingoi kon pogotmu andeka mokaan kon kaanon in mobobaḷu.

YEHEZKIEL 33:10

Ki Tuhan in noguman kon inakó, “Ei intau ilo-ilow, potaaudon bui kon intau in Israel in tosingogon monia tanaa, ‘Mororiga totok in gina nami popisí in inuntuan in dosa bo aid moraat nami. Naonda sinbá kami in umuran mobiag?’

YEHEZKIEL 4:17

Mosia in koinggamáandon in kamang popisí in kodaitan in roti bo tubig, bo imbuitnea matoi in mosia popisí in dosa mita monia.”

YEHEZKIEL 44:18

Sinbá diá mopatú bo uḷatan, mosia in mustibí mogisoḷaná in linen bo diábí mogibaan, bo bogot in uḷu nongkon linen.

IMAMAT 26:16

yo hukumon-Ku in moiko. Popoangoi-Ku in bodito kon i monimu, mogobu bo mopatú inta diá koundaman, modapot in matamu mobilogdon bo kobobiag monimu in diádon mosanangmai. Moiko in monompinomuḷabí táe diábí moikaan kon bungainea, sin musungmu mita in momangoi bo monaḷow kon i monimu bo mogagow komintan kon onu inta pinomuḷa monimu.

IMAMAT 26:39

Bo ki ine in kon sigad monimu inta nobiagpa kon butá in musungmu mobiagdon moyoyiga popisí in dosamu tontaní bo dosa in mogoguyangmu.