YEHEZKIEL 24:21 - Alkitab Singog In Mongondow Masa In Tanaa

²¹ mopotaau in koyow tanaa kon i monimu: Moiko in mopongata in ropot in Baḷoi Tuhan. Moibog in moiko moindoi bo mayá intua, táe ki Tuhan in mopokotorbí in Baḷoi-Nea. Bo tombonu in motoḷuadímu inta nongobagupa, inta kinotaḷáan kon Yerusalem, in ḻimodon kon poparangan.

YEHEZKIEL 24:21 Mawu Ofanana

DATU MITA IMITÁNEA 9:7

dá poguntunon-Ku in umat-Ku Israel nongkon butá inta ain inogoi-Ku kon i monia. Taḷaan-Ku domandon in baḷoi tanaa inta ain sinantú-Ku mobaḻí tampat pososumbaan kon i-Nakó. Kon ondakabí in intau in Israel singkuḻeonbí bo kosingan.

MAZMUR 105:4

Poigumdon kon ropot nongkon i-Nia, umurandon sumba in Sia.

MAZMUR 132:8

Angoidon bo pogutundon kon Baḷoi-Mu, o Tuhan, moyotakin in Poti Dodandian, tomponuot in kawasa-Mu.

MAZMUR 27:4

Tongábí tobatú in igumonku kon i Tuhan, tongábí naa in koibogku: mogutun kon Baḷoi Tuhan kinoouput in kobiaganku, sin motarima kon kopopia i Tuhan bo mopoigum sinbá kapiton-Nea.

MAZMUR 74:7

Mosia in noturub kon Baḷoi-Mu nodapot in nodait; bo noponajis in tampat pososumbaan kon ini-Mu.

MAZMUR 79:1

Mazmur i Asap. O Allah, bangusa inta diá nonotaau kon ini-Mu ain iḻimitú kon butá budel-Mu. Mosia in noponajisdon in Baḷoi-Mu, Yerusalem in binaḻídon apug,

MAZMUR 84:1

Kon i itoi in mododondong. Podudui in dondong: Gitit. Mazmur in inanakan i Korah.

MAZMUR 84:3

Ginaku in totokbí in mokotanob kon Baḷoi-Mu, dimukud bo awakku monggiow kon i Allah inta nobiag.

MAZMUR 96:6

Sia in iḻibubí in koagungan bo kamuliaan, Baḷoi-Nea in nopuḻingbí in kawasa bo kogogaga.

YESAYA 65:11

Táe deemanbí natua in ukur in intau mita inta nonaḷámai kon i-Nakó, inta diá noindoimai kon Sion, tombuḷud-Ku inta motusi, inta noposumba in kaanon inoḷud kon Gad bo Meni, dewa mita inta mobogoi in kauntungan bo ukur.

YEREMIA 6:11

Torú-Mu kon i monia doman in modidí kon dodobku, Tuhan! Mobogat totok in momondam.” Bo ki Tuhan in noguman, “Popoaidon in torú tatua kon mongoadí mita kon daḷan mita moḷoben bo kon tayow mobiag mita inta noyosipun. Ḷoḷaki bo bobay in domokonbí, bo intau inta nogoguyangdon in diábí kotaḻiban.

YEREMIA 7:14

Baḷoi-Ku inta pongata monimu, bo tampat inta inogoi-Ku kon mogoguyangmu bo kon inimu naa in pomiaan-Ku naonda bo Silo dungkuḷmai.

YEREMIA 9:21

Popatoi in sinumuotdon nongin jandela, sinumuotdon kon bonu in komaḻig; sia in nodomok kon mongoadí mita kon daḷan bo tayow mobiag kon rawang.

OMBAḶ 1:10

Bayongan in kapunyaannea ain inagow in musungnea mita. Nodapot in sia in nokoontongbí tontaní in sinuotan monia kon bonu in Baḷoi i Allah, aid tobatú inta kinodoí i Tuhan aidan in intau inta deeman umat-Nea.

OMBAḶ 2:1

Ki Tuhan in nogaid kon bonu in torú, Sion in inangkuban-Nea in sindip. Kamuliaan in Israel inta ná koḷantud in ḷangit, ain pinogonag-Nea kon butá. Kon dodai in ki Tuhan sinumorú, baḷoi-Nea kon Sion diá bidon pinandung-Neamai.

OMBAḶ 2:21

Moguyang bo moguod minatoi noitongkob kon daḷan, tayowmobiag bo mongodeaga minatoi sinotad. Kon singgai Iko sinumorú, iratá-Mu in mosia takin diá in tabi.

YEHEZKIEL 23:25

Tuamai in tumorú in Akuoi kon inimu, pomayá-Ku mako in mosia in momia kon inta moḻingá kon inimu. Ngiung bongoḷanmu in pongkóonbí monia bo ki adímu mita in gamáanbí bo tubáan kobia-biagpa.

YEHEZKIEL 23:47

Biódon mako in mosia anduron in batu bo duduran in kedang. Biódon mako in ki adí mita monia in sibaton bo baḷoi mita monia in turubon.

YEHEZKIEL 24:16

“Ei intau ilo-ilow, baḷú-Kubí gamáan in intau inta totok in kinotabimu. Táe diábí motaau in iko mogamui bo mongombaḷ, andeka mopomayá mako in ḷuámu moḷabú.

YEHEZKIEL 24:20

Bo akuoi in noguman kon i monia, “Ki Tuhan in nopotabá kon inakó

YEHEZKIEL 24:22

Bo moiko in momia kon ná inta inaidanku tanaa. Moiko in diábí mogoḻingoi kon pogotmu andeka mokaan kon kaanon in mobobaḷu.

YEHEZKIEL 24:25

Ki Tuhan in noguman kon inakó, “Yo, intau ilo-ilow, gamáan-Kudon nongkon i monia in Baḷoi-Ku inta morigon tua, inta mokoyunggagá bo mokosanang kon gina monia, bo inta indoianmai monia bo bayáan monia kinooibogbí in gina. Bo gamáan-Kubí doman in ki adí mita monia.

YEHEZKIEL 33:28

Butá tatua in baḻíon-Kubí padang gurun inta moingongow, bo kawasa inta pongatamai monia in moinggamádon. Buḷud mita kon Israel in moingongow bidon dá diádon in tobatúmai in intau in mokobaḻí tumaḻib kon tua.

YEHEZKIEL 7:24

Bangusa mita inta totok in moromú in poangoi-Kubí sin mongawasa kon baḷoimu mita. Intaumu mita inta mongotoyang bo inta mongotorindog in moondokbí aka pomayá-Ku mako in bangusa mita tatua morimumud kon tampat mita pooibadaanmu.

YEHEZKIEL 9:7

Ki Allah in noguman kon i monia, “Kotoraidon in Baḷoi-Ku tanaa! Puḻingaidon in palasnea mita in mayat mita. Pangkoiaidon!” Dá nomangkoi domandon in mosia noḻimod kon intau mita kon bonu in kotá.

DANIEL 11:31

Bo sia in nokidia in tontara mita inta nokokotor kon Baḷoi i Tuhan. Mosia in momopatbí kon kuruban muḷoi in singgai bo moposindog in inta mokokoningkim inta sinangoian Aid moraat inta mokorimumud.

HOSEA 9:16

Intau in Israel in hukumon-Kubí. Mosia in mobaḻíbí naonda bo pinomuḷa inta diá nomungai, bo inta uakatnea mita ain noingkag. Mosia in diábí mokouḻí kon adí; táe umpaka mosia kogadí, yo ḻimodon-Kubí in adí mita inta kinotabi monia tua.”

IMAMAT 26:19

Moiko totuu mododia, táe potungkudon-Kubí in moiko. Diá bidon monguyan, dá butámu in moingkag bo motogat naonda bo uatoi.

MALEAKHI 2:12

Igumon mako intau mita inta nogaid kon natua in poyayúondon i Tuhan nongkon umat in Israel. Igumon mako mosia in diádon dumudui kon bangusa naton moposumba in kuruban mita kon i Tuhan Inta Totok in mokawasa.