YEHEZKIEL 24:18 - Alkitab Singog In Mongondow Masa In Tanaa

¹⁸ Doḷo-doḷom akuoi in nosingog kon bangusa tatua bo nodoḷom monag ki buḷoiku in minatoi. Nopoikoḷomai kon singgai inaidanku onu inta pinoki aid kon inakó.

YEHEZKIEL 24:18 Mawu Ofanana

YEHEZKIEL 12:7

Bo inaidankudon onu in pinoki aid i Tuhan kon inakó. Kon singgai doman tatua, kon dodai in nobayagpa, sinouḷutkudon in pakakatku mita bo binantaḷ ná biasamai aidan in intau mita inta iḷumbú. Kon dodai in moungkoḷomdon, iḷombanganku in dinding in baḷoiku, bodongka iḻumuai nongin bubú tatua. Koonto-ontong in bayongan in intau, binantaḷ tatua in pinotaanku, onda intua nobuat in akuoi.

YEHEZKIEL 24:16

“Ei intau ilo-ilow, baḷú-Kubí gamáan in intau inta totok in kinotabimu. Táe diábí motaau in iko mogamui bo mongombaḷ, andeka mopomayá mako in ḷuámu moḷabú.

YEHEZKIEL 24:17

Dika modapot in ina-inakmu in kodongogan. Dikabí mayá takin diá mogikoḷubung, andeka diá mogi aip in sioḷ, saḷaku intau inta nonogumatoi. Dika doman oḻingoian in pogotmu, bo dika mokaan kon kaanon in mobobaḷu.”

YEHEZKIEL 24:19

Rayat in noḻibó, “Nongonu sin ki amá in nogaidbí kon nanaa? Onu in mangaḻenea kon inami?”