YEHEZKIEL 24:17 - Alkitab Singog In Mongondow Masa In Tanaa

¹⁷ Dika modapot in ina-inakmu in kodongogan. Dikabí mayá takin diá mogikoḷubung, andeka diá mogi aip in sioḷ, saḷaku intau inta nonogumatoi. Dika doman oḻingoian in pogotmu, bo dika mokaan kon kaanon in mobobaḷu.”

YEHEZKIEL 24:17 Mawu Ofanana

SAMUEL 2 15:30

Nopaḷut mako kon tua ki Daud in noḷongkut kon sapatunea. Sia takin bayongan in dumoduduinea notakod kon Buḷud in Zaitun sindaḷan mongombaḷ poḷat nongoḷubung saḷaku tomponuot in monogumatoi.

MAZMUR 37:7

Oḷatdon mako in ki Tuhan takin gina moodom, ḷukadaidon mako pokosabar modapot in Sia mopoaid. Dika tumorú popisí in intau inta nokouḻí kon kobiagannea, andeka inta nonompobaḻik.

MAZMUR 39:9

Poḷuatdon in akuoi nongkon bayongan in dosaku, dika pomayá mako in akuoi tororebeg in intau dondunguḷ.

MAZMUR 46:10

Sia in nopogogai in parang kon sinangkub in dunia, piot bo pandong irimumud-Nea, kaḻeaw noḻimbung in sinubá-Nea.

YESAYA 20:2

Toḷu notaong noiuna, ki Tuhan nopotabá kon i Yesaya ki adí i Amos noḷongkut kon aip in sioḷ bo daing tuḷok inta pinakénea. Sia in dinumudui bo minayá nomilang bo diá nomaké in aip in sioḷ.

YEREMIA 13:18

Ki Tuhan in noguman kon inakó, “Potabá in datu bo ki inánea moponag nongkon pomomarentaannea, sin mahkotanea inta mopia in noḷabúdon kon uḷunea.

YEHEZKIEL 24:18

Doḷo-doḷom akuoi in nosingog kon bangusa tatua bo nodoḷom monag ki buḷoiku in minatoi. Nopoikoḷomai kon singgai inaidanku onu inta pinoki aid kon inakó.

YEHEZKIEL 44:18

Sinbá diá mopatú bo uḷatan, mosia in mustibí mogisoḷaná in linen bo diábí mogibaan, bo bogot in uḷu nongkon linen.

HOSEA 9:4

Kon butá mita tatua moiko in diá bidon mokoposumba in anggur bo kuruban biag sin mokoposanang kon gina i Tuhan. Kokaanonmu in mokopopisí kon intau inta mokaan kon tua in monajis, naonda bo kaanon inta kinaan kon upacara poḷobongan. Kaanon tatua in baragunanea in tongábí mokobotug kon sianmu; topiḻikmai yo diábí diaan kon Baḷoi Tuhan sin posumba kon tua.

IMAMAT 10:6

Bo ki Musa in noguman kon i Harun bo kon i adínea mita ibanea, inta ki Eleazer bo ki Itamar, “Dika mokuyang in gina monimu popisí in kinopatoian tatua. Aka moiko momia kon natua, yo matoi doman, bo bayongan umat Israel torúan i Tuhan. Táe bayongan intau Israel ibanea in motaaubí in mogi morondí sin kinopatoian intau doyowa tatua inta popisí in tuḷú nongkon i Tuhan.

IMAMAT 13:45

Intau tobatú inta kinotugatan in panyaki kuḻit inta mokobahaya, musti mogiḷambung in ḷambung inta mobera-berak bo pomayáneadon mako in buoknea mobuyum-buyun. Sia musti mogoḻingoi kon pogotnea bo momaḷú: “Najis! Najis!”

IMAMAT 21:10

Imang Moḷoben ain binaḻí imang takin binutakan in ḷana upacara kon uḷunea bo iḷutudan in pakeang imang moḷoben in sia. Tuamai sia in diá bidon motaau mopomayá mako in buoknea mokitu ande momerak kon ḷambungnea mobaḻí tanda kinopatoian.

AMOS 8:3

Kon singgai tatua dondong mita kon komaḻig in mobaḻídon ombaḷ. Kon bayongan in tampat moyotapatdon in mayat inta ain iḷumbú inumuni-uni mako.”

MIKHA 3:7

Intau mita inta monoḻindap kon singgai moiduduimai in mooyábí popisí in toḻindapnea tatua in diá moitugat. Mosia komintan in mooyá bidon sin ki Allah in diábí motubag kon i monia.

HABAKUK 2:20

Ki Tuhan in kon bonu in Baḷoi-Nea inta motusi; maníka bayongan in intau kon dunia naa in kibio-biómai kon tayowon-Nea.

MATIUS 9:23

Naonda in ki Yesus noiyaput kon baḷoi in itoi in baḷoi pososambayangan tatua bo nokoontong kon intau mita inta nogirup kon bansí bo intau mobarong inta motombá mako,