YEHEZKIEL 24:16 - Alkitab Singog In Mongondow Masa In Tanaa

¹⁶ “Ei intau ilo-ilow, baḷú-Kubí gamáan in intau inta totok in kinotabimu. Táe diábí motaau in iko mogamui bo mongombaḷ, andeka mopomayá mako in ḷuámu moḷabú.

YEHEZKIEL 24:16 Mawu Ofanana

AYUB 36:18

Mokopoingatdon, dika koakaḷan iko in doit posogó; dika poḷaḻeon in kaoyúonan.

AMSAL 5:19

Mongodeaga moḷunat bo mokaḻet naonda bo rusa. Biódon mako koḷunat in awaknea in umuran mokobundai kon inimu bo tabinea mokoḷoḷangu kon inimu.

DONDONG MOḶANTUD 7:10

Akuoi in kapunyaan i batoḷ in dodobku, sia in moibog kon inakó.

YEREMIA 13:17

Aka iko doí mokidongog, mongombaḷbí in akuoi umuni-uni. Takin monakit in gina ombaḷanku in ḷoḷatúmu tua. Ḷuáku in motutug sin umat i Tuhan in dinia nobaḻí intau dinakop.

YEREMIA 16:5

Dika mayá in baḷoi in intau inta koyogot in nonogumatoi, Yeremia. Dikabí monogumatoi kon i ineka. Akuoi in diá bidon momarakat kon umat-Ku bui takin kobiagan motompia, bo diádon doman mopoontong in tabi bo tanob kon i monia.

YEREMIA 22:10

Intau in Yohuda, dikadon monogumatoi sin kopatoian in Datu Yosia. Ombaḷaibí in ki Yoahas ki adínea ḷoḷaki sin sia in diniadon minayá bo diá bidon mobui mangoi. Butá kinolahirannea in diá bidon bui ontongonnea.

YEREMIA 22:18

Tuamai in soaḷ ki Yoyakin datu in Yohuda, ki adí ḷoḷaki i Yosia, ki Tuhan in noguman nanaa, “Kopatoiannea in diábí ombaḷan; diábí in moguman, ‘Adodoia kaasí, yobayatku, adodoia.’ Diábí in monogumatoi andeka momaḷú, ‘Kaasí in ki tuang datu!’

YEREMIA 9:1

Totuu mopia aka uḷuku bo naonda bo parigí inta nopuḻing in tubig, bo mataku in pansurang inta umuran mopotampurang in tubig! Dá akuoi in mokopongombaḷdon singgai bo doḷom, mogamui kon intau mita tongobangusaku inta iḻimod in musung.

YEREMIA 9:18

Intau in Yohuda noguman, “Ḷagidon pokidondongai in mosia in dondong ponogumatoian kon inaton komintan, sinbá motutug in ḷuá momuntad kon putongi naton.”

OMBAḶ 2:18

Ei dinding mita in Yerusalem, pokuanidon kon i Tuhan! Potutugdon in ḷuámu naonda bo tubig in ongkag inta moiḻig singgai doḷom. Tantúbí pongombaḷ, dika modoná modapot in awakmu moḷopí!

YEHEZKIEL 24:15

Ki Tuhan in noguman kon inakó,

YEHEZKIEL 24:18

Doḷo-doḷom akuoi in nosingog kon bangusa tatua bo nodoḷom monag ki buḷoiku in minatoi. Nopoikoḷomai kon singgai inaidanku onu inta pinoki aid kon inakó.

IMAMAT 21:4

Sia diá doman motaau moponajis in awaknea takin dumudui kon upacara poḷobongan kon ginaḷum i buḷoinea.

TESALONIKA 1 4:13

Utatku mita, ibogon nami bá totu-totuudon kotaauan monimu in soaḷ intau mita inta ain minatoi; sinbá diá moajar in gina monimu ná mosia inta diá in harapan.