YEHEZKIEL 23:8 - Alkitab Singog In Mongondow Masa In Tanaa

⁸ Sia in umuranbí sinumundaḷ ná dungkuḷmai wakutu in kon Mesir, kon tampat inta dungkuḷ sia nosiug takin ḷoḷaki. Pinangkoi kon sia mongoadípa, sia in siniugandon bo pinomia saḷaku sundaḷ.

YEHEZKIEL 23:8 Mawu Ofanana

DATU MITA IMITÁNEA 12:28

Naonda in noporai-raimai kon tua, nomia in sia kon patong sapi buḷawan bo noguman kon rayat, “Bangusa in Israel! Noonggotdon in moiko in minayá in Yerusalem sin moibada. Tanaa in naadon in ilahmu mita inta ain nodia kon i monimu iḻumuai nongkon Mesir!”

DATU MITA 2 10:29

Tuamai in ki Tuhan noguman kon i Yehu, “Bayongan inta pinarentaku kon inimu inta aidanmu kon buí i Ahab aindon inaidanmu. Tuamai in modandi in Akuoi kon adí bo ompumu modapot in buímu inggopatnea in mobaḻíbí datu kon Israel.” Táe diá noḻimbatú in gina i Yehu in dinumudui kon hukum i Tuhan, Allah in Israel. Dinumuduibí in sia kon aid i Yerobeam inta nokopopisí kon intau in Israel binaradosa pinongin nosumba kon sapi buḷawan inta pinosindognea kon Betel bo kon Dan.

DATU MITA 2 17:16

Mosia in iḻimimpat kon bayongan in hukum i Tuhan, Allah monia, bo nomia kon sapi doyowa nongkon logam sin sumbáan. Mosia in nomia kon patong i Dewi Asyera, mosumba kon tundi mita bo moibada kon i Dewa Baal.

IḶUAIAN 32:4

Ginamá i Harun in nganti-nganting mita tatua, bodongka sinubánea nodapot in noḷoḷang bo binonunea kon pastaka tobatú bo pinomia patong sapi tobatú. Intau mita tatua noguman, “Ei Israel, naadon in ilah naton inta nodia kon i naton iḻumuai nongkon Mesir!”

YEHEZKIEL 20:7

Pinoki ḷumbú-Ku kon i monia in patong mita mokorongó inta kinoibog monia tua, bo inimaḷowan-Ku in mosia in moponajis in awak monia pongin mosumba kon berhala mita kon Mesir, sin Akuoibí naa in ki Tuhan Allah monia.

YEHEZKIEL 23:19

Koonggot-koonggot mokakitdon in sia mokituaḻing, diádon in yoposinea kon tungkuḷ in sia noguodpa kon dodai in sinumundaḷ kon Mesir.

YEHEZKIEL 23:21

Ei Oholiba, moibogbí in iko mopoaid bui kon onu inta inaidanmu kon dodai in noguodpa in iko, kon tungkuḷ intau in Mesir mongogayokan takinmu.)”

YEHEZKIEL 23:3

Kon dodai in noguodpa, nogutun in mosia kon Mesir. Kon tua mosia nosiugdon takin ḷoḷaki, bo nobaḻídon sundaḷ.

WAHYU 11:8

Bo mayat monia moitongkob mako kon daḷan moḷoben kon kotá moḷoben, kon kotá inta pinopopakúan kon i Tuhan monia. Tangoi in kotá tatua aka secara rohani yo Sodom andeka Mesir.