YEHEZKIEL 23:5 - Alkitab Singog In Mongondow Masa In Tanaa

⁵ Umpaka ki Ohola nobaḻídon ki buḷoi-Ku, sia in tantúbí doman sinumundaḷ, bo totokbí in moibog in mosiug moyotakin in intau mita inta kinoibognea nongkon Asyur.

YEHEZKIEL 23:5 Mawu Ofanana

DATU MITA IMITÁNEA 14:16

Ki Tuhan in monaḷábímai kon Israel sin ki Yerobeam in binaradosa bo nokopopisídon kon intau in Israel binaradosa domandon.”

DATU MITA IMITÁNEA 14:9

Táe iko in nogaidon kon inta moraat noiḻiu kon inta inaidan monia inta nomarenta noiuna kon inimu. Iko in nonaḷámai kon i-Nakó bo nopomuká in torú-Ku sin nomia kon berhala bo patong mita nongkon logam sin sumbáan.

DATU MITA IMITÁNEA 15:26

Notongkai ná ki amánea inta nomarenta noiuna kon inia, nomia doman in sia kon moraat kon tayowon i Tuhan dá nokopopisídon kon intau in Israel nogaid kon dosa.

DATU MITA IMITÁNEA 15:30

Ki Yerobeam in binaradosa bo nokopopisí kon intau in Israel binaradosa domandon. Pinongin natua ki Yerobeam nokopomuká kon torú i Tuhan, Allah inta sinumba in intau in Israel.

DATU MITA IMITÁNEA 21:26

Ki Ahab nogaid kon dosa mita inta totok in mokooyá: Nosumba in sia kon berhala ná inta pinomia in intau in Amori, intau mita inta ain pinoguntun i Tuhan iḻumuai nongkon butá in Kanaan kon dodai in intau in Israel tumuotdon kon butá tatua.

DATU MITA 2 15:19

Naonda in ki Pul datu in Asyur nonubu kon Israel, ki Menahem nobogoi kon inia in 34.000 nokilo in saḷaka sinbá sia in motuḷung moginrigon kon kawasa i Menahem kon Israel.

DATU MITA 2 16:7

Ki Ahas in nopotabá in totabá minayá kon i Tiglat-Pileser datu in Asyur takin koyow tanaa, “Akuoi in bobantungmu inta mosatia, tuamai, poigumonku angoidon bo posaḻamatdon in akuoi nongkon i datu in Siria bo datu in Israel inta koyogot in monubu kon inakó.”

DATU MITA 2 17:3

Sia in sinubu bo pinotungkud i Salmaneser datu in Asyur, dá muḷoi in taong musti in sia moguboḻi kon iba kon inia.

YEREMIA 50:38

Ingkagai in bayongan in ongkag bo gobánea! Sin, Babel in nopuḻingdon in berhala mita inta mokorongó, inta nokopopisí kon intau mita mososumbanea nobaḻí nobundai.

YEHEZKIEL 16:28

Táe diápabí doman moorop in iko; tuamai in aḷo-aḷowanmu mako in intau in Asyur. Iko in nobaḻí sundaḷ monia, táe diábí doman nokoorop in mosia kon inimu.

YEHEZKIEL 16:37

Tuamai, bayongan inta nokoimontandon kinotabimu sipunon-Ku, pinomayá inta kinoibogmu andeka inta kinodoímu. Simindogbí in mosia ḻimibu kon inimu bo moḷongkut kon bayongan in pakeangmu, dá ontongondon monia komintan in awakmu inta nopilang.

YEHEZKIEL 23:12

Ki Oholiba in totokbí in moibog kon intau mita in Asyur tatua, tayowmobiag mita inta mongoḷunat inta tontara tumotakoi kon kabaḷo, intau mita moḷoben bo pojabat mita moḷantud, bo tontara mita inta nogiḷambung mita in nokamumu tua.

YEHEZKIEL 23:16

Naonda in inontong i Oholiba in gambar mita tatua, ibognea mosiug takin ḷoḷaki noiaputdon bo pinoki oinínea in itoi mita in tontara in Babel tatua.

YEHEZKIEL 23:20

Totok in tumagab in ibognea kon ḷoḷaki, ibognea in nádon ibog in kabaḷo koḷakian. (

YEHEZKIEL 23:4

Guya-guyang ki Ohola in tangoinea, sia in nobaḻí lambang in Samaria. Ki ai-ainea in ki Oholiba in tangoinea; sia in nobaḻí lambang kon Yerusalem. Akuoi in notonibuḷoi i nayadua tua bo nokouḻí kon adí kon inayadua.

YEHEZKIEL 23:7

Takin intau mita moḷoben tatua ki Ohola nonuaḻing. Popisí in sia totok in moibog mosiug takin monia, dá pinonajisneadon in awaknea pinongin nosumba kon berhala mita monia.

YEHEZKIEL 23:9

Tuamai in inogoi-Kudon in sia kon inta kinoibognea mita, intau mita in Asyur in totok in kinotanobannea tua.

HOSEA 10:6

Berhala tatua in diaanbí pobayá in Asyur sin ponombuinag kon i datu moḷantud. Israel in dinumudui kon tomayá inta nokopopisí kon in monia pinokopo oyámai bo siningkuḻe.

HOSEA 12:1

Ki Tuhan in noguman, “Bangusa in Israel iḻimibu kon i-Nakó pinongin uboḷ bo tompobaḻik; bangusa in Yohuda umuran moḷawang kon i-Nakó, ki Allah Inta Mokudus bo inta mosatia.

HOSEA 5:13

Bangusa in Israel bo bangusa in Yohuda nonotaaudon kon kaadaannea inta diá mopia, dá Israel minayá in Asyur bo mopoigum in totuḷung kon i datu moḷoben. Táe ki datu tatua in diábí mokotuḷung andeka monompia bui kon kaadaan monia.