YEHEZKIEL 23:47 - Alkitab Singog In Mongondow Masa In Tanaa

⁴⁷ Biódon mako in mosia anduron in batu bo duduran in kedang. Biódon mako in ki adí mita monia in sibaton bo baḷoi mita monia in turubon.

YEHEZKIEL 23:47 Mawu Ofanana

YEREMIA 32:29

bo monurub kon tua modapot in mopayong takin baḷoi mita in intau mita inta nokopomuká kon torú-Ku, sin kon tudu in atop in baḷoi mita tatua notubá in mosia kon dupa kon i Baal bo nopobutak in anggur sin posumba kon dewa mita.

YEREMIA 39:8

Bo intau mita in Babel nonurub kon komaḻig in datu bo baḷoi mita in rayat, poḷat nogumpag kon dinding mita in Yerusalem.

YEREMIA 52:13

Ki Nebuzaradan in nonurub kon Baḷoi Tuhan, komaḻig in datu, bo baḷoi in bayongan intau inta tongganut mita kon Yerusalem.

YEHEZKIEL 23:25

Tuamai in tumorú in Akuoi kon inimu, pomayá-Ku mako in mosia in momia kon inta moḻingá kon inimu. Ngiung bongoḷanmu in pongkóonbí monia bo ki adímu mita in gamáanbí bo tubáan kobia-biagpa.

YEHEZKIEL 23:29

Popisí in doí in mosia kon inimu, bayongan in siniḷopíanmu in agowonbí monia. Iko in taḷaanbí diá koḷambu-ḷambung saḷaku sundaḷ bo indoianmai in bayongan in intau. Ḷanuan in ibog bo kotormu tuata

YEHEZKIEL 23:48

Kon sinangkub in butá naa inggamáan-Kubí modait in aid mokotor ná tatua. Aid-Ku tua in mobaḻí tompoingat kon bayongan in bobay sinbá diá mokituaḻing ná doyowa mogutat tatua.

YEHEZKIEL 24:21

mopotaau in koyow tanaa kon i monimu: Moiko in mopongata in ropot in Baḷoi Tuhan. Moibog in moiko moindoi bo mayá intua, táe ki Tuhan in mopokotorbí in Baḷoi-Nea. Bo tombonu in motoḷuadímu inta nongobagupa, inta kinotaḷáan kon Yerusalem, in ḻimodon kon poparangan.

YEHEZKIEL 24:6

Ki Tuhan Inta Totok in moḷantud in noguman, “Moboditodon in kotá inta nopuḻing in moḷoḻimod tua naonda bo kuyon kinaḻiotá inta diádon kon dodai in onda in iradatan. Ponoyá inta kon bonunea in poḷuaion tumongo pongkó, modapot in diá in kotaḷáan.

YEHEZKIEL 9:6

Ḻimodon bayongan in intau ḷoḷaki bo bobay, noguyang bo noguod, guyanga bo adí mita. Táe dika ḻiaion in tobatúmai in inta ain sinomboréan kon pogotnea. Pangkoidon kon naa, nongkon Baḷoi-Ku tanaa.” Dá nomangkoidon in mosia nopobayá in oaidan monia takin noḻimod kon itoi mita in Israel inta simindog mako kon Baḷoi Tuhan.

IMAMAT 20:10

Aka intau Israel tobatú monuaḻing kon buḷoi in intau inta tobangusanea, dá sia bo bobay tatua in musti hukumon matoi.

ULANGAN 13:16

Bayongan kapunyaan in intau mita inta nogutun kon tua musti sipunon bonturungon kon lapangan, bo kotá takin bayongan kapunyaannea in pokakon mobaḻí kuruban kon i Tuhan Allahmu. Mopaḷut mako kon tua pomayádon mako intua mobaḻí utag in pinomokakan bo diádon motaau posindogon bui.