YEHEZKIEL 23:42 - Alkitab Singog In Mongondow Masa In Tanaa

⁴² Nongkon ḷuai kinodongogandon in singog modowawá in intau moantó inta mobarasanang. Intau mita tatua in inoinídon nongkon rawang bungaion. Mosia in nopoḷutud in ḻingkit kon kokaḷ in doyowa mogutat tatua, bo nopoḷutud doman in mahkota mita inta mogaga kon uḷu monia.

YEHEZKIEL 23:42 Mawu Ofanana

MAZMUR 73:12

Natuata in kaadaan in intau moraat; kobobiagnea in moodom, kapunyaannea in tantú modugang.

IḶUAIAN 32:6

Nopoikoḷomai kon singgai doḷo-doḷompa totok, intau mita Israel nodia kon tongonumai in biag sin baḻíon kuruban inta tubáan, bo tongonumai doman in biag inta mobaḻí kuruban dodamean. Mosia iḻimitú nongaan bo nonginum, bo sinimindog noposanang in gina.

YEREMIA 51:7

Babel inta koina in naonda bo galas buḷawan inta kinadaian-Ku bo nokopopisí kon bayongan inta kon dunia noḷoḷangu. Bangusa mita in nonginum kon anggur nongkon galas tatua, dá mosia in nobaḻídon nobundai.

YEHEZKIEL 16:49

Sodom bo ḻipúnea mita in noḷoḷatú popisí in nobayong in tongkaaḷ kaanon bo nobiagdon noodom bo nodame. Táe mosia in diá noindoimai kon intau nobogá bo noompá.

YEHEZKIEL 27:22

Popisí in motaḷui kon pakakatmu mita dá mododagang nongkon Syeba bo Raema nodia kon permata mita, buḷawan bo toyokayu mita inta totok in mongopia.

HOSEA 13:6

Táe naonda in moiko kon bonudon in butá mopia, poḷat nobotug nodapotdon in moiko noorop, nobaḻídon in moiko moḷoḷatú bo iḻiongdon monimu in Akuoi.

YOËL 3:8

Ki adí monimu ḷoḷaki bo bobay in potaḷui-Ku kon intau in Yohuda, bo potaḷui bui monia kon i Syeba, butá inta totok in moyayú. Akuoi, ki Tuhan, ain noguman.

WAHYU 12:3

Bo inontong domandon in tanda mokoherang ibanea kon ḷangit. Oyúon tobatú naga nopura inta totok moḷoben, pitu in uḷunea bo mopuḷú in tungoinea. Pomuḷoi in uḷu pinakéan in mahkota.