YEHEZKIEL 23:37 - Alkitab Singog In Mongondow Masa In Tanaa

³⁷ Mosia in nomiadon kon totuaḻingan bo noḻimod; mosia in nonuaḻingdon takin in berhala mita bo noḻimod kon i adí-Ku mita inta pinononggadí monia. Adí mita tatua in pinosumbadon monia kon berhala mita monia.

YEHEZKIEL 23:37 Mawu Ofanana

DATU MITA 2 17:17

Noposumba in mosia kon i adí monia nobaḻí kuruban payongon kon i dewa. Mosia in momaké in totaau bo mopoigum in topotundú nongkon mogogoiní kon dimukud mita. Totok in motoindudui in mosia in mogaid kon bayongan inta diá mokosanang kon gina i Tuhan

DATU MITA 2 21:6

Ki Adínea in pinosumbanea nobaḻí kuruban payongon. Ki Manasye in nomaké doman in mongonggaing, bo mododoyangow, ponggaing, bo mopoigum in totundú kon dimukud mita. Binaradosadon totok in sia kon i Tuhan noidapot in nokopomukádon kon torú-Nea.

DATU MITA 2 23:10

Topet, inta tampat pososumbaan kon dewa kon Ḷopá in Hinom, pinonajis. Takin natua diádon in intau inta motaau moposumba in adínea mobaḻí kuruban angagon kon i Dewa Molokh.

DATU MITA 2 24:4

noiḷontú totok popisí in pinoḻimodan inta inaidannea kon intau mita inta diá kotaḷá. Ki Tuhan in doíbí mongampung kon i Manasye sin popisí in aidnea mita tatua.

YESAYA 1:15

Aka moiko motonggó kon ḻimamu sin mosambayang, doíbí in Akuoi moindoimai. Diábí pandungon-Ku mongo kotongonu in moiko mosambayang, doíbí in Akuoi mokidongog, sin ḻimamu tatua in pinoḻimodmu kon nobayong in intau.

YEREMIA 32:35

Mosia in noposindog in mezbah mita kon i Baal kon Ḷopá in Hinom, bo noposumba in adí mita monia kon i Dewa Molokh. Bokaka, Akuoi in diábí nokoimontanmai in nokiaid in natua kon i monia, noidapotbí in diábí kon dodai in onda in noigonúmai kon gina-Ku kon mosia in mogaid kon inta totok in moraat natua bo mokopopisí kon intau in Yohuda baradosaan.”

YEREMIA 7:31

Mezbah tobatú inta sinangoian Topet ain pinosindog monia kon Ḷopá in Hinom sin moposumba kon i adí mita monia nobaḻí kuruban payongon. Bokaka Akuoi in diábí kon dodai in onda in nopotabá kon i monia nogaid kon tua, nodapot in diábí kon dodai in onda in ná tatua in nomuká kon bonu in raian-Ku.

YEREMIA 7:6

Dikadon mondorot kon intau ango-angoi, kon adí uno-unon, kon boba-bobay mita. Dika moḻimod kon intau inta diá kotaḷá kon butá tanaa. Dika mosumba kon ilah ibanea, sin tua in mokoputú kon i monimu.

YEREMIA 7:9

Moiko in monakow, moḻimod, monuaḻing, mosakusi kon uboḷ, mobogoi in sosumba kon Baal, bo mosumba kon dewa mita inta diá kinotaauan monimu.

YEHEZKIEL 16:32

Iko in naonda bo buḷoi bobay inta nomaḻidawan kon i buḷoinea ḷoḷaki bo nonuaḻing takin ḷoḷaki ibanea.

YEHEZKIEL 16:38

Hukumon-Kubí in iko popisí in pinonuaḻingan bo pinoḻimodan inta ain inaidanmu tua. Kon bonu in rogi bo torú-Ku hukumon-Ku matoi in iko.

YEHEZKIEL 16:45

Totuubí kon iko in adí bobay i inámu. Sia in nondoídon kon i buḷoinea ḷoḷaki bo i adínea mita tontaní. Iko in notongkai doman i utatmu mita bobay inta nondoí doman kon i buḷoinea ḷoḷaki bo kon i adínea mita. Iko bo ki utatmu mita, inta kotá mita kon diugmumai in ko iná kon intau in Het bo koamá kon intau in Amori.

YEHEZKIEL 20:26

Pinomayá-Ku in mosia in noponajis in awak pinongin kuruban mita monia tontaní, nodapot in ki adí mita monia ḷoḷaki inta guya-guyang pinokuruban monia. Pinongin aid tatua Akuoi nohukum kon i monia sinbá kotaauan monia kon Akuoibí in ki Tuhan.

YEHEZKIEL 20:31

Nodapot in singgai in naa moiko in noponajis in awak pinongin nodia kon sosumba bo notubá kon i adímu mita nobaḻí kuruban kon berhala mita. Bo mokobaḻípa doman in moiko in mopoigum in topotundú nongkon i-Nakó? Podoyon kon i-Nakó, ki Allah inta nobiag, ki Tuhan Inta Totok in moḷantud, moiko in diábí ogoi-Ku in mopoigum in topotundú nongkon i-Nakó.

YEHEZKIEL 23:39

Kon singgai mosia noḻimod kon i adí-Ku mita bodongka pinosumba kon berhala mita, doyowa mogutat tatua namangoi in Baḷoi-Ku bo nopokotormai kon tua!

YEHEZKIEL 23:45

Táe intau mita motoḷutui in monisigbí kon doyowa mogutat tatua noidoyon kon totuaḻingan bo pinoḻimodan, sin mosia in totuubí kon kotaḷá.”

HOSEA 1:2

Kon dodai in ki Tuhan dungkuḷ totok nosingog kon bangusa in Israel pinongin inakó, ki Tuhan in noguman, “Hosea, tonibuḷoidon in bobay tobatú inta sundaḷ, bo ki adímu mita doman in moidayan kon inia. Umat-Ku in notongkai ná ki buḷoimu tatua; mosia in diá motoḷutui kon i-Nakó, bo nonaḷámai kon i-Nakó.”

HOSEA 3:1

Ki Tuhan in noguman kon inakó, “Bayádon bui bo kotabi in bobay tobatú inta moibog mokituaḻing. Kotabidon in sia ná doman Akuoi notabi kon intau in Israel umpaka mosia ain nonaḷámai kon i-Nakó bo nosumba kon ilah mita ibanea poḷat doman noposumba in kukis kismis kon berhala.”

HOSEA 4:2

Mosia in mongibot, táe diábí totuuon monia; mosia in monguboḷ, moḻimod, monakow bo monuaḻing. Aid moraat modugang, bo poḻimodan in moyo-moyodudui.

IMAMAT 18:21

Dika mobogoi in adímu tongáka tobatú sin pokuruban kon bonu in posumbaan kon i dewa Molokh, sin oaid tatua mopoompábímai kon tangoi i Allah, ki Tuhanmu.

MIKHA 3:10

Moiko in moposindog in Yerusalem, kotá i Allah, podoyon kon poḻimodan bo aid diá moadil.

LUKAS 13:34

Yerusalem, Yerusalem! Nabi mita sinokoḻimodmu! Totabá mita i Allah sinokoarab monimu in batu nodapot in minatoi! Aindon kotongonu degá Akuoi in moibog mosipun kon intau mita inta kon kotámu, naonda bo ki iná in manuk mogoob kon i adínea mita, táe moiko in doíbí!

ULANGAN 12:31

Pososumba in bangusa mita tatua kon ilah mita monia, dikabí dayanan monimu kon mosumba kon i Tuhan Allahmu, sin mosia in mosumba takin momia kon oaid mita inta mokotor inta kinodoí i Tuhan. Nodapot in adí mita monia tontaní tubáan monia kon tudu in mezbah mobaḻí kuruban kon i ilah mita monia.