YEHEZKIEL 23:36 - Alkitab Singog In Mongondow Masa In Tanaa
36 Ki Tuhan in noguman kon inakó, “Ei intau ilo-ilow, nosadiadon degá in iko in monisig kon i Ohola bo kon i Oholiba? Toboḷowdon in aid moraat inta pinomia monia.
Singgai in naa Akuoi in mobogoi kon inimu in kawasa kon bangusa mita bo dodatuan mita – kawasa mogumpag bo morumbun, bo mopoḷabú bo moyopú, sin moposindog bui bo momuḷa.”
Tuamai, Yeremia, dikadon sambayanganmu in mosia andeka mopoigum kon i-Nakó motuḷung kon i monia! Aka mosia kon bonu in roriga bo mopoigum in totuḷung kon i-Nakó, doíbí in Akuoi mokidongogmai kon i monia.”
Inta pinotaau in nabi mita kon inimu, tongábí tompobaḻik bo uboḷ komintan. Mosia in diábí kon dodai in onda in nobuká kon dosamu, manangka intua iko in diábí notobat. Noyotoḻikud kon tua yo mosia in tongábí mopotaau kon inimu in tosingogon mita uboḷ inta mokosanang.
Ei intau ilo-ilow, nosadiadon degá in iko in monisig kon i monia? Yo, aidaidon! Potoropdon kon i monia in bayongan aid mokorongó inta ain inaidan in mogoguyang monia.
“Ei intau ilo-ilow, nosadiadon degá in iko in monisig kon kotá inta nopuḻing in pinoḻimodan tatua. Poontongdon kon inia in bayongan in aidnea inta mokorongó.”
Guya-guyang ki Ohola in tangoinea, sia in nobaḻí lambang in Samaria. Ki ai-ainea in ki Oholiba in tangoinea; sia in nobaḻí lambang kon Yerusalem. Akuoi in notonibuḷoi i nayadua tua bo nokouḻí kon adí kon inayadua.
Ki Tuhan in noguman, “Ei adí-Ku mita, ki inámu in deeman bidon ki buḷoi-Ku, bo Akuoi in deemanbí ki buḷoinea. Tuamai, pelekaradon in sia sinbá sia in dika monuaḻing bo dikadon sumundaḷ bui.