YEHEZKIEL 23:29 - Alkitab Singog In Mongondow Masa In Tanaa

²⁹ Popisí in doí in mosia kon inimu, bayongan in siniḷopíanmu in agowonbí monia. Iko in taḷaanbí diá koḷambu-ḷambung saḷaku sundaḷ bo indoianmai in bayongan in intau. Ḷanuan in ibog bo kotormu tuata

YEHEZKIEL 23:29 Mawu Ofanana

SAMUEL 2 13:15

Táe nopaḷut mako kon tua ki Amnon totokdon in mobú kon i Tamar, yaatdon in ginanea tatua in moḷobe-ḷoben nongkon ibognea muna. Bo sia in noguman kon i ai-ainea tatua, “Ḷuaidon!”

YEREMIA 13:26

Akuoi tontaní in momerak kon ḷambung nongkon awakmu sinbá mopilangdon in moiko bo mooyá.

OMBAḶ 1:8

Yerusalem in nopokotordon in awaknea tontaní pinongin nogaid kon nobayong in dosa mokorongó. Bayongan inta dungkuḷmai in nohoromat kon inia, tanaa in noningkuḻedon kon inia popisí in nokoontong kon kinopilangannea. Sia in nongombaḷ, popisí in kinobuḻiandon in pogot.

YEHEZKIEL 16:39

Ogoi-Ku in iko kon inta kinotabimu mita tatua, bo umpagon monia in tampat mita pinosundaḷan bo pinosumbaanmu kon berhala. Bayongan in pakeang bo ḷambámu in agowonbí monia, modapot in mopilang in iko.

YEHEZKIEL 22:9

Kon sigad in intaumu mita oyúon in mopoponapud in uboḷ kon intau ibanea sinbá hukumon matoi. Oyúon doman in mokaan kon ponoyá inta pinokurubandon kon berhala. Oyúon doman in momia kon mokotor.

YEHEZKIEL 23:18

Nopaḷut mako kon tua diádon inumado-adop in sia in sumundaḷ bo mopoontongdon in awaknea kon intau mita. Mobú in Akuoi in mokoontong kon inia, ná kobú-Ku mokoontong kon i guya-guyangnea.

MIKHA 1:11

Moiko intau i Sapir, pobuatdon bayá in poḷumbúan takin diá mogiḷambung bo takin oyá! Intau mita in Zaanan in diá mokobaḻí in ḷumuai nongkon kotá monia. Karak in intau in Bet-Haezel in mopoontong kon inimu kon tua in diádon in oḻiungan bui.