YEHEZKIEL 23:27 - Alkitab Singog In Mongondow Masa In Tanaa

²⁷ Natuata in aid-Ku mopogogai in ḷanuan in ibogmu bo bayongan in tuaḻing inta pinomiamu kon dodai in iko kon Mesir. Diá bidon in kamangmu kon berhala onuka andeka mokotoropa kon Mesir.”

YEHEZKIEL 23:27 Mawu Ofanana

YESAYA 27:9

Táe dosa mita in Israel in tongábí motaau ampungan aka mezbah in dewa mita giḻingon koyimokon naonda bo silon. Bayongan in pototubáan kon dupa bo lambang i Dewi Asyera in rimumudon doman.

YEHEZKIEL 16:41

Turubon monia in baḷoimu mita bo pokiindoian monia in bobay mita kon pohukuman kon inimu. Natua in pogogogai-Ku kon pononuaḻingmu. Diá bidon bui in iko mosilai magí-mako kon tombuinag kon i inta kinotabimu mita.

YEHEZKIEL 22:15

Porariton-Kubí in intaumu mita kon sinangkub in butá bo bangusa, bo popogogaion-Kubí in aidmu inta moraat tua.

YEHEZKIEL 23:19

Koonggot-koonggot mokakitdon in sia mokituaḻing, diádon in yoposinea kon tungkuḷ in sia noguodpa kon dodai in sinumundaḷ kon Mesir.

YEHEZKIEL 23:3

Kon dodai in noguodpa, nogutun in mosia kon Mesir. Kon tua mosia nosiugdon takin ḷoḷaki, bo nobaḻídon sundaḷ.

YEHEZKIEL 24:11

Tanaa ukatdon in kuyon porunggu inta diá in bonunea kon tudu in tuḷú bo pomayádon mako modapot in mopura monombaga. Naonda in mopokak in kaḻiotánea, modaritdon bui in kuyon tatua podudui in atorang in agama.

HOSEA 6:9

Imang mita kon kotá tatua in naonda bo topaanan in mogogagow inta noḷabot kon intau inta noitaḻib. Kon daḷan inta mopobayá ná kotá inta motusi kon Sikhem yo moḻimodbí doman in mosia! Bayongan in aid moraat tatua in tuodonbí monia aidan.

ZAKHARIA 13:2

Kon singgai tatua popatan-Kudon in tangoi in berhala mita nongkon butá tanaa, dá diádon tobatúmai in mokotoropa kon tua. Bayongan intau inta mongaku kon nabi in sia poguntunon-Ku takin i monia inta kinokawasaan in dimukud inta motombogá.